මහා පරිමාන හාල් මෝල් හිමියන් සහල් තොග සඟවා ඇතැයි පැවසීම බොරුවක්- ජනපති අනුර සිරසේදී කියයි

Jan 22, 2025 at 01:20 PM

|

Lanka Leader

මහා පරිමාන මෝල් සම්බන්ධයෙන් සිදුකළ පරීක්ෂාවකදී  සහල් මෝල් හිමියන් තමන් රැස් කරන තොග එක් කන්නයක සිට අනෙක් කන්නය දක්වා ක්‍රමානුකූලව අඹරා වෙළඳපොළට නිකුත් කරමින් සිටින බව අනාවරණය වූ බවත් ඔවුන් සහල් හෝ වී තොග සඟවාගෙන නැති බව හෙළිදරවූ බවත් ජනාධිපති අනුර කුමාර දිසානයක මහතා පවසයි.

සිරස රූපවාහිනියේ පැවති වැඩසටහනකට එක් වෙමින් ඔහු මෙම අදහස් පල කළේය. එහිදී වැඩිදුරටහ් අදහස් දක්වමින්,මහා පරිමාණ මෝල් හිමියන් කිහිපදෙනෙකු වී තොග සඟවාගෙන සිටින්නේ යැයි පැවසුනත් එය බොරුවක් බවද ජනාධිපති අනුර දිසානායක මහතා එහිදී අවධාරණය කළේය.

"රට තුළ වාර්ෂික සහල් අවශ්‍යතාවය සහ වී නිෂ්පාදනය සම්බන්ධයෙන් රජයේ දත්තවල බරපතල විකෘතිතාවයක් තිබෙනවා.ඒ හේතුවෙන් මෙවර සහල් ආනයනයේදී ගැටළුවකට මුහුණ දුන්නා.මෙම කන්නයේ සිට සහල් සඳහා වන උපරිම මිල එම මට්ටමේම පවත්වාගෙන යනවා.  වී සඳහා වන සහතික මිලක් ඉදිරියේදී නම් කර කිසිසේත්ම එම පාලන මිළෙන් ඉහළ සහල් අලෙවි කිරීමට අවස්ථාව ලබා දෙන්නේ නැහැ. එම පාලන මිලට අලෙවි කර හැකි මුදලකට වී මිලට ගන්නා ලෙස මෝල් හිමියන්ට සහ වී මිලදී ගන්නන්ට දැනුම්දී දැනුම් දෙනවා.එමෙන්ම රජයේ ලියාපදිංචි නොවී වී තොග රැස්කිරීම සම්පූර්ණයෙන්ම තහනම් කරනවා. එම තහනම සම්බන්ධයෙන් දැඩි නිරීක්ෂණයක සිටින්නට කට්යුතු යොදනවා.මෝල් හිමියන් රජයේ සහල් කලමණාකරණ ක්‍රියාවලියට අනුබද්ධ වී වෙළඳපොළට සහන නිකුත් කිරීම් කළ යුතුයි. එසේ නොකරන්නේ නම් ඒවාට හමුදාව මැදිහත් කරවනවා. හමුදාව මැදිහත්වී ඔවුන්ගේ යාන්ත්‍රණය හරහා සහල් නිකුත් කරනවා." යනුවෙන් පැවසුවේය.

කෙසේ වුවද අනුර කුමාර දිසානායක මහතා ජනාධිපති වීමට වසර තුනකට පමණ පෙර හිරු නාලිකාවේ පැවැති වැඩසටහනකට සම්බන්ධ වෙමින් වී මිළ සම්බන්ධයෙන් ඊයේ දැරූ මතයට හාත්පසින්ම වෙනස් අදහස් ප්‍රකාශ කරනු ලැබීය.