ජේෂ්ඨ නීතිඥ කනිෂ්ක විතාරණ ජනාධිපතිවරණයට කළින්ම අපේක්ෂකයන්ගේ කෙරුවාව සහ රටට සිදුවන විනාශය හරියටම හෙළි කළේ මෙහෙමයි...(වීඩියෝ)

Jan 13, 2025 at 03:18 PM

|

Lanka Leader

පසුගිය ජනාධිපතිවරණයට දින 50කට පෙර දෙරණ රූපවාහිනී නාලිකාවේ  'කොළඹ දේශපාලනය, ජනාධිපතිවරණය සහ රට'  නම් මාතෘකාව යටතේ අලුත් පාර්ලිමේන්තුව වැඩසටහනේ දී ජේෂ්ඨ නීතිඥ කනිෂ්ක විතාරණ මහතා පවසා සිටි එක්තරා කරුණක් අද වන විට සත්‍ය ලෙසම ඔප්පුවී ඇති බව වර්තමාන දේශපාලන තත්ත්වය විශ්ලේෂණය කිරීමේ දී පෙනී යයි.

ඒ මහතා එහිදී පවසා සිටියේ ජනාධිපතිවරණය සඳහා ඉදිරිපත්ව සිටින කිසිඳු අපේක්ෂකයෙක් රට සම්බන්ධයෙන් ඇත්ත උවමනාවකින් කටයුතු කරන බවක් නොපෙනෙන බවය.

ජනාධිපති අපේක්ෂකයන් මැතිවරණ වේදීකාවේ දී නොයෙකුත් පොරොන්දු ලබාදුන්නද, ඒවා පරපස්පර විරෝධී වූ පොරොන්දු බවත් එහිදී සඳහන් කළ ඒ මහතා ජනාධිපතිවරණයෙන් පසු ජයගන්නා නායකයා ඉන්පසුව ගෙන එන වැඩපිළිවෙල සඳහා ජනතාව මෙහෙයවිය යුතු වුවද ඒ සඳහා ජන විඥානය හදන වැඩපිළිවෙලක කිසිඳු අපේක්ෂකයකු නිරතවන බවක් පෙනෙන්නට නැති බවද සඳහන්කර සිටියේය.

නිලධාරියෙකුගේ මට්ටමට එහා ගොස් ජනතාව වෙනුවෙන් කටයුතු කරන නායකත්වයක් කිසිඳු අපේක්ෂකයකුගෙන් දැකගත නොහැකි බවත්, ජනතාවගේ ජීවන තත්ත්වයන් වෙනස්කරන සියලු තීන්දු තීරණ ගතයුත්තේ රටේ නායකත්වය වුවත් අද පවතින වාතාවරණය තුළ රට තුළ ක්‍රියාත්මක වන අණපනත් පවා සාදන්නේ  මෙරට දී නොව වෙනත් රටවලදී බව පැහැදිලිව දැකගත හැකි බවත් ජේෂ්ඨ නීතිඥ කණිෂ්ක විතාරණ මහතා මෙහිදී පැහැදිලි කළේය.

මූල්‍ය ප්‍රාග්ධනය විසින් නිෂ්පාදන ප්‍රාග්ධනය ගිලගන්නා ආකාරය ද මෙහිදී ඒ මහතා විසින් ඉතා පැහැදිලිව කරුණු දැක්වීමක්  සිදුකළේය.

"කවුරු ජනාධිපති වුවත් මේ තිබෙන ක්‍රමවේදයම තිබුනොත්  රට පාලනය කරන්නේ වෙනත් බලවේගයක්. ඒ වගේම අපි පත් කරන්නේ ඔවුන්ගේ නියෝජිතයෙක්." කණිෂ්ක මහතා අවධාරණය කළේය.

ඒ මහතා ජනාධිපතිවරණයට පෙර පැවසූ සියලු කරුණු කාරණා අද වන විට යථාර්ථයක් බවට පත්ව ඇති බව දැකගත හැකි තත්ත්වයක් තුළ එම වීඩියෝව මෙසේ නැවත විකාශය කරන්නෙමු.  

මෙම දේශපාලන වැඩසටහන සඳහා එදා ජේෂ්ඨ නීතිඥ කණිෂ්ක විතාරණ, අචාර්ය ටියුඩර් වීරසිංහ, වෛද වසන්ත බණ්ඩාර යන මහත්වරුන් ඇතුළු පිරිසක් සහභාගි විය.

අදාළ වීඩියෝව පහළින්..

.