වයඹ විතරක් නෙවෙයි වෙනත් විශ්ව විද්‍යාල වල වෛද්‍ය පීඨ සිසුනුත් මෘත දේහ දන් දුන් අයට ආගමික වතාවත් ඉටු කරනවා. සියලු විශ්ව විද්‍යාල සිසුන් නිරාගමික අදහස් දරන්නේ නැහැ- වසන්ත අල්විස් මහජන යුතුකම් කෙන්ද්‍රය
"වයඹ වෛද්‍ය සිසුන්ගෙන් දුර්ලභ ආදර්ශයක්" යන මාතෘකාව යටතේ ලංකා ලීඩ් වෙබ් අඩවියේ පලවූ ප්‍රවෘත්තියට ඌන පූරණයක් එකතුකරමින් මහජන යුතුකම් කේන්ද්‍රයේ කැඳවුම්කරු වසන්ත අල්විස් මහතා පවසා සිටින්නේ, වයඹ විශ්ව විද්‍යාලයේ පමණක් නොව කොළඹ, ජයවර්ධනපුර, පේරාදෙණිය, කරාපිටිය සහ රාගම වෛද්‍ය පීඨ වල බොදු සංගම් විසින් මෘත දේහ දන් දුන් පුද්ගලයන් වෙනුවෙන් ආගමික වතාවත් ඉටු කරන බවයි.
කෙසේ වුවද ලංකා ලීඩ් වෙබ් අඩවිය වෙත මෙතෙක් ලැබුණු තොරතුරු මත පදනම්ව මෙම ප්‍රවෘත්තිය පළ කළ අතර ඕනෑම විශ්ව විද්‍යාලයක සිසුන් තම අතීත උරුමයන්ට පිටු නොපා ඒවා අගය කරමින් වඩාත් ධනාත්මකව පෝෂණය කිරීම වෙනුවෙන් ගනු ලබන ඕනෑම කටයුත්තක් ලංකා ලීඩ් පුවත් වෙබ් අඩවියේ ඇගයීමට ලක්වන බව ප්‍රකාශ කරමු. එවැනි වාර්තා අප වෙත ලැබුණහොත් අපි ඒවා පල කිරීම සඳහා සැදී පැහැදී සිටින බවද දන්වා සිටිමු.
වසන්ත අල්විස් මහතා අප වෙත එවා තිබූ පැහැදිලි කිරීම අදාල වෛද්‍ය පීඨ වල සිසුන් වෙත කරන ගෞරවයක් සේ සලකා මෙසේ පල කරමු.
" ලංකා ලීඩ් කතෘ මණ්ඩලය වෙත, 'වයඹ වෛද්‍ය සිසුන්ගෙන් දුර්ලභ ආදර්ශයක්' යනුවෙන් ඔබ වෙබ් අඩවියේ පල කළ ආගමික කටයුත්ත වයඹ විශ්ව විද්‍යාලයේ වෛද්‍ය පීඨයේ පමණක් නොව කොළඹ, ජයවර්ධනපුර, පේරාදෙණිය, කරාපිටිය සහ රාගම වෛද්‍ය පීඨ වල බොදු සංගම් විසින්ද සිදු කරනු ලබන ආගමික කටයුත්තකි. පුද්ගලිකව මමද ජයවර්ධනපුර විශ්ව විද්‍යාලයේ පැවැති එවැනි පින්කමකට සහභාගිවී ඇත්තෙමි. එම උත්සව වලට ආගම් භේදයකින් තොරව සියලු සිසුන් සහභාගි වීමද මම නිරීක්ෂණය කර ඇත්තෙමි. එපමණක් නොව මම නියෝජනය කරන මහජන යුතුකම් කේන්ද්‍රය සහ රජයේ වෛද්‍ය පීඨ ශිෂ්‍ය දෙමාපිය සංගමය ආදී සංගම් වල සාමාජිකයන් සහභාගිවූ සම්මන්ත්‍රණ අවස්ථාවන්හි දී සිසු විරුවන් පමණක් නොව රට වෙනුවෙන් දිවිදී ඔවුන්ට අධ්‍යාපන කටයුතු කරගෙන යෑමට අවස්ථාව දුන් මේ රටේ ත්‍රිවිධ හමුදාවේ පොලීසියේ වීරෝධාර රණවිරුවන් සිහිපත් කිරීමට ද එදා අප කටයුතු කළ බවද අවධාරණය කරමි.
විශ්ව විද්‍යාලවල සිටින සිසුන්ගෙන් සුලු පිරිසක් නිරාගමික අදහස් දැරුවත් බහුතර සිසුන් එසේ නොවන බව අවධාරණය කිරීමට කැමැත්තෙමි. හිටපූ කතානායක අශෝක රංවල මහතා ද දෙමාපියන් සමඟ ඇතැම් සාමාජිකයන් බොරු කියා මග හරිද්දී නොවරදවාම කැළණිය විහාරයේදී දීවා රාත්‍රි ආගමික කටයුතුවල අප සමඟ සහභාගිවූ බව සිහිපත් කරමි.අශෝක රංවල මහතාගේ කුමන හෝ අඩු පාඩුවකට වෙහෙස නොබලා බැටදුන් ජාතික මතය දරන ඇතැම් පිරිස්, මාලිමාව තුළ සිටින අල්ප මාත්‍රයක හෝ ජාතික මතය දරණ අයවළුන් අපහසුතාවයට පත් කිරීමට නොදැනුවත්වම, මාලිමාවේ සිටින නිරාගාමික සිංහල බෞද්ධ විරෝධීන්ගේ අවශ්‍යතාවය ඉටු කළ බව මගේ අදහස බව වැඩිදුරටත් පවසමි."
ආශ්‍රිත පුවත්...
වයඹ වෛද්‍ය සිසුන්ගෙන් දුර්ලභ ආදර්ශයක්
සම්බන්ධිත පුවත් | Related News
ප්‍රධාන පුවත්
විශේෂ ආරක්‍ෂක අංග අංක තහඩුවෙන් ගැලවිලාලු - සේවකයෝ කියති
ට්‍රම්ප්ගේ බද්දෙන් නිදහස් කරන්නැයි ඉල්ලූ එක්සත් ජාතීන්ගේ සංවිධාන ලැයිස්තුවේ ලංකාව නෑ
චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි
ONLINE පනත ඉවතට
සිරි දළදා වන්දනාව අද ඇරඹෙයි
වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි
’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්
‘අවමාන තර්ජනය නවත්වනු’ - චීනය ඇමරිකාවට තදින් පවසයි
අමෙරිකාව පැනවූ තීරු බදු වලින් රටවල් 28ක් නිදහස් කරන්නැයි එක්සත් ජාතීන්ගේ සංවිධානය ඉල්ලයි. එහෙත් ශ්‍රී ලංකාව ලයිස්තුවට ඇතුලත් නැහැ
245% ක තීරු බදු පනවන බවට එක්සත් ජනපදයෙන් චීනයට තර්ජන
සිරි දළදා වන්දනාවට සියල්ල සූදානම්
රට බේරා ගන්න උදව් කළාට මට මෙහෙම ද සලකන්නේ.. පිල්ලෙයාන් කඳුළු සළමින් ඇසුවා - උදය ගම්මන්පිල
ට්‍රම්ප් තම වෙළඳ යුද්ධය තුළ සැබවින්ම කැමති දේ...
ආණ්ඩුව කළ නොහොබිනාම දේ තමයි තිලක් සියඹලාපිටිය විදුලිබල මණ්ඩලයේ සභාපති කිරීම - සංඛ චන්දිම අභයවර්ධන (වීඩියෝ)
හිසතෙල් ගෑමේ නැකැත අද
ආණ්ඩුව තාප බලාගාර මාෆියාවකට අහුවෙලා