මුදල් විශුද්ධිකරණය සහ ත්‍රස්තවාදයට මුදල් සැපයීම මැඩ පැවැත්වීම පනත් සංශෝධනය කාගේ උවමනාවක්ද? - ආචාර්ය ගුණදාස අමරසේකර (වීඩියෝ)

Jan 8, 2025 at 10:30 AM

|

Lanka Leader

මුදල් විශූද්ධිකරණය සහ ත්‍රස්තවාදයට මුදල් සැපයීම මැඩ පැවැත්වීමේ පනත් සංශෝධනය කිරීම දෙමළ ඩයස්පෝරාවේ උවමනාව මත සිදුකිරීමට ආණ්ඩුව කටයුතු කරමින් සිටින බව ආචාර්ය ගුණදාස අමරසේකර මහතා පවසයි. පසුගිය (7) වැනිදා කොළඹ දී මාධ්‍ය සාකච්ඡාවක් පවත්වමින් ඔහු මේ බව පැවසීය. ඒහිදී වැඩිදුරටත් අදහස් දැක්වූ අමරසේකර මහතා පැවසුවේ දෙමළ ඩයස්පෝරාවට අවශ්‍ය මේ සංශෝධනයට ආණ්ඩුව පය තැබුවොත් එය මර උගුලකට පය තැබීමක් බවයි.  

තව දුරටත් අදහස් දැක්වූ අමරසේකර මහතා මෙසේද පැවසීය.

''රටේ ස්වාධීන්තවයට ස්වෛරීභාවයට විශාල වශයෙන් බලපාන සංශෝධනයක් කරන්න ආණ්ඩුව කටයුතු කරමින් සිටින බව අපට දැන ගැනීමට ලැබුණා. ඒ ජනාධිපති කාර්යාලයේ නිවේදනයකින්. මෙය සංශෝධනය කළ යුතුයි කියලා ජනාධිපතිතුමා අමාත්‍ය මණ්ඩලයට දැනුම් දීලා තියෙනවා. එකම දේ මෙවැනි සංශෝධනයක් කරන්නේ කුමකටද කියන එ‍ක පැහැදිලි කරලා නැහැ. ඒ වගේම තමයි කාගේ උවමනාවට මෙය කරනවද කියලා කියලත් නැහැ. ඇත්තටම මෙවැනි සංශෝධයක් අවශ්‍යය කාටද? එදා මහින්ද රාජපක්ෂ මහත්තයා එදා තිබුණු පනත  සංශෝධනයක් ගෙනැල්ලා ප්‍රභල කලා. දැන් මේ සංශෝධනය මගින් කරන්න හදන්නේ මේක ලිහිල් කිරීම බව අපට පේනවා. මෙය කරන්නේ කාගේ උවමනාවටද? මේක බෙදුම්වාදී උවමනාවක්. ඒ කියන්නේ බටහිර ඉන්න දෙමළ ඩයස්පෝරාවේ උවමනාවට බව සක්සුදක් සේ පැහැදැලියි. ඔවුන්ට තමයි මේ සංශෝධනය අවශ්‍යය. මේකට මේ ආණ්ඩුව පය තැබුවොත් අපි දකින්නේ මර උගුලකට පය තැබුවා කියලයි. ඒම නිසා මේ පිළිබදව අපේ බලවත් විරෝධය ප්‍රකාශ කිරීම අපේ අරමුණයි.

මේ වගේ පනත් සංශෝධන කිරීමට තමන්ට සදාචාරාත්මක අයිතියක් තියෙනවා කියලා දෙමළ ඩයස්පෝරාව කල්පනා කරනවා ඇති. ඔවුන් තමයි මේ රජය බලයට පත්කරන්න විශාල සහයෝගයක් දුන්නේ. ඒ කියන්නේ උතුරු නැගෙනහිර දෙමළ ජනතාවගේ ඡන්දය ආණ්ඩුවට ලබාදීමට ඔවුන් තමයි කටයුතු කළේ. ඒ නිසා ඔවුන් හිතනවා ඇති මේවගේ සංශා්ධයන් කරන්න ආණ්ඩුවට බලපෑම් කරන්න ඔවුන්ට අයිතියක් තියෙනවා කියලා. 

මේ සංශෝධනයෙන් ඔවුන් බලාපොරොත්තු වෙන්නේ කුමක්ද  එකම දේ තමයි ඔවුන් ගාව තියෙන විශාල ඩොලර් ප්‍රමාණයෙන් ලංකාව සංවර්ධනය සදහා ලබාදෙන්න. ඒවා කෙසේ හම්බකරාද කියලා අපි දන්නේ නැහැ. මේක මායාවක්. ඔවුන්ගේ අරමුණ වෙන එකක් ඒක බෙදුම්වාදී න්‍යාය පත්‍රය ඉදිරියට ගෙනයෑම. අපි නැවතත් ආණ්ඩුවෙන් ඉල්ලා සිටිනවා මේ මර උගුලට පය තියන්න එපා කියලා." යැයි පැවසීය