News Category
From Date
To Date
Maximum Number of Result

නව වටයකින් රඟදැක්වෙන බෙදුම්වාදී නාටකය තුළ වෙස්මුහුණකින් එන හිමාලයා ප්‍රකාශනය

Jan 6, 2025 at 04:05 PM
|

නව ආණ්ඩුව බලයට පත්වීමට සමාන්තරව බෙදුම්වාදී බලවේග තමා විසින් රඟදක්වන නාට්‍යයේ පිටපත වෙනස් කරමින් ඉදිරිපත් කරන බව දැන් පැහැදිලිව දැකගත හැක. සමහර නාඩගම්වල සමස්ථ පණිවිඩය ප්‍රේක්ෂකයා වෙත ඉදිරිපත් කිරීම සඳහා යොදාගනු ලබන්නේ විකටයකු හෙවත් විහිළුකාරයෙකි. දැන් සුමන්තිරන් මසහතාට කෙටි විරාමයක් ලබාදී අර්චුනා මන්ත්‍රීවරයා වේදිකාවට කැඳවන්නේ එම අත්හදා බැලීම සඳහා බව තේරුම්ගැනීම අමාරු නැත. ප්‍රභාකරන් දෙවියකු යැයි වෛද්‍යවරුන් පවා ඔහුට වැඳුම් පිදුම් කරන බව ප්‍රකාශ කිරීම මගින් ආණ්ඩුවට මෙන්ම දකුණේ බහුතර සිංහල ජනතාවට පමණක් නොව බෙදුම්වාදයට විරුද්ධ උතුරේ බහුතර ජනතාවට ද ප්‍රභල මානසික බලපෑමක් ඇතිවේ. සුමන්තිරන් මන්ත්‍රීවරයාගේ මුවින් එම වචන පිටකිරීම නුසුදුසු වන්නේ පළාත් සභා මැතිවරණයෙන් පසුව මහ ඇමැතිවරයා ලෙස ජාත්‍යන්තරයට පෙනෙන ලෙස බරපතළ චරිතයක් රඟදැක්වීමට ඔහුව යොදාගත යුතු නිසා බවට තර්කයක් ගොඩනැගිය හැක.


නමුත් අර්චුනා මන්ත්‍රීවරයා පාර්ලිමේන්තුව තුළ කුමන කොටි නැටුමක් නැටුවද ආණ්ඩුවට සිදුවී ඇත්තේ අසරණව බලාසිටීමට ය. ඔහු ඊනියා ඊළාම් රාජ්‍යයේ ජනතාව පාර්ලිමෙන්තුව තුළ සිට ආමන්ත්‍රණය කිරීම මගින් බෙදුම්වාදයට එරෙහිව ඔහු ලබාදෙන දිවුරුම මන්ත්‍රීවරයකු ලෙස කඩකළ ද ඊට එරෙහිව නීතිමය පියවර ගැනීම පහසු නැත. මීට පෙර චන්ද්‍රසෝම එදිරිව සේනාධිරාජා නඩුවේ තීන්දුව අනුව ඒ බව පැහැදිලි වේ. ඊට අමතරව තමා බලයට පත්වූයේ බෙදුම්වාදී බලවේගවල සහාය නිසා බවට ආණ්ඩුව විසින් පනවාගෙන තිබෙන වැරදි මානසික බාධක නිසාද කථානායකවරයා තම බලය භාවිත කිරීමට මැලිවීම ස්වාභාවික තත්ත්වයකි. කුමන හේතුවක් මත හෝ ඔහුව අත්අඩංගුවට ගතහොත් මිස ඔහුගේ මානසික තත්ත්වය පරීක්ෂා කිරීම සඳහා මනෝවෛද්‍යවරයකුට යොමු කිරීමට අදාළව අධිකරණ නියෝගයක් ලබාගැනීමේ හැකියාවක් නැත. විශේෂයෙන්ම වෛද්‍යවරයකු වන එම මන්ත්‍රීවරයා හොඳ සිහිබුද්ධියෙන් තමාට පවරා ඇති භූමිකාව ඉතා හොඳින් රඟ දක්වන තත්ත්වයක් යටතේ එවැනි උවමනාවක් පිළිබඳව සඳහන් කිරීමට කිසිවෙකුට ධෛර්යයක් ඇති වන්නේ නැත.


කෙසේවෙතත් බෙදම්වාදීන් විසින් තම නාටකයේ පිටපත වෙනස්කර ඇති බව ඔප්පු කිරීම සඳහා තවත් උදාහරණයක් ඉදිරිපත් කළ හැක. ඒ නව වටයකින් ඊනියා හිමාලයා ප්‍රකාශනය ජනගත කරන ආකාරයයි. මීට පෙර ප්‍රසිද්ධියේ බෙදුම්වාදීන් සමග පෙනීසිටීමට ධෛර්යයක් නොතිබූ එහෙත් රහසිගතව යම් ක්‍රියාවල නියුක්ත වූ බවට චෝදනා එල්ල වූ මහාචාර්යවරයකු ලෙස පෙනීසිටින භික්ෂුවක් සහ තවත් රට නොදන්නා භික්ෂුන් හය නමක් ඇතුළු භික්ෂුන් හත් නමක්, දෙමළ ඩයස්පෝරාවේ ප්‍රභලයකු විසින්  නොපාලයේ හිමාල කඳු පාමුල හෝටලයකට වඩම්මවා සුවිශේෂී දානමාන සංග්‍රහයක් පවත්වා උන්වහන්සේලාගේ අත්සන් ඔවුන් විසින් සකස් කළ ලේඛනයට ලබාගත් බව මීට පෙර ප්‍රසිද්ධියට පත්විය.


නමුත් එම ප්‍රකාශය මගින් නව අදහසක් ඉදිරිපත් කෙරෙන්නේ නැත. එමගින් මෙතෙක් බෙදුම්වාදීන් විසින් ඉදිරිපත් කළ ඔවුන්ගේ මාර්ග සිතියමට අදාළ මූලික කොන්දේසි පමණක් මහා සංඝරත්නය ප්‍රමුඛ බහුතර සිංහල ජනතාවට ගිල්ලවීමට උත්සාහ කරන බව පැහැදිලිව තේරුම්ගත හැක. එම ලේඛනය ඉදිරිපත් කරන තෙක් බෙදුම්වාදී බලවේගවලට තම ඉල්ලීම් භික්ෂුන් වහන්සේලා යොදාගනිමින් අනුමැතිය ලබාගැනීමට හැකිවූයේ නැත. ඉහත සඳහන් කළ භික්ෂූන්ට ඒ සඳහා උවමනාවක් තිබුන ද දීර්ඝ කාලයක් පවතින ප්‍රභල මහජන විරෝධය නිසා ඊට දායක වීමට ඉඩක් නොතිබූ බව ඉතා පැහැදිළි ය. එසේ නම් දැන් එම විරෝධය සමනය වී ඇත්දැයි පෙරලා ප්‍රශ්නයක් ඇසිය හැක. ඊට ලබාදිය හැකි උත්තරය වන්නේ මහජන විරෝධය සමනය කිරීම හෝ දියකර හැරීම සඳහා දැන් කාලය සහ අවකාශය නිර්මාණය වී ඇති බව බෙදුම්වාදීන් ප්‍රමුඛ එම භික්ෂූන් පිළිගෙන ඇති බවයි.


ප්‍රකාශ හයක් අඩංගු එම ලේඛනය මගින් ප්‍රධාන වශයෙන් දෙමළ ජනතාවට ශ්‍රී ලංකාව තුළ සමාන අයිතිවාසිකම් නොලැබෙන අතර, ඔවුන්ගේ අභිමානය සහ අනන්‍යතාව තර්ජනයට ලක්වී ඇති බවට පූර්ව නිගමනයකට එළඹේ. එසේම ඒ මගින් බෙදුම්වාදීන්ගේ පොදු ඉල්ලීම වන ඊනියා එක්සත් රටක බලය බෙදන නව ව්‍යවස්ථාවක් සම්මත කරනතෙක් 13 වැනි සංශෝධනය බලාත්මක කිරීම සහ ඉන්දු - ලංකා ගිවිසුමට ගරුකළ යුතු බවට යෝජනා කෙරෙන අතර, මහා සංඝරත්නය ඇතුළු බහුතර ජනයා ඒ බව පිළිගත යුතු බව අවධාරණය කෙරේ. ඊට අමතරව බෙදුම්වාදී මාර්ග සිතියමේ ප්‍රධාන කඩඉමක් වන ආරක්ෂක හමුදා දුර්වල කිරීම සහ දුර්මුඛ කිරීම සඳහා යොදාගන්නා ප්‍රධාන අවියක් වන යුද අපරාධ චෝදනාවලට වගවීමේ නාමයෙන් තෝරාගත් සුවිශේෂී ආරක්ෂක හමුදා නායකයන් පිරිසකට දඬුවම් කිරීමේ වැදගත්කම ද අවධාරණය කෙරේ.


භික්ෂුන් හත් නමකගේ අත්සන් ගැනීමෙන් පසුව එනම් බෙදුම්වාදී මල් වට්ටිය පළමුවරට භික්ෂූන් විසින් අත ගැසීමේ තත්ත්වය නිර්මාණය කිරීනේ පසුව සංඛේතාත්මකව එම ලේඛනය හිටපු ජනාධිපති රනිල් වික්‍රමසිංහ මහතාට සහ මහානායක හිමිවරුන් වෙත පිළිගැන්වීමට ඩයස්පෝරා නායකයන් විසින් කටයුතු කරනු ලැබීය. නමුත් ඊට අදාළව මහා සංඝරත්නය හෝ බහුතර සිංහල නායකයන්ගෙන් ධනාත්මක ප්‍රතිචාර ලබා ගැනීමට ඔවුන් අසමත් විය. ඊට පිළිතුරක් ලෙස දැන් ඩයස්පෝරා නායකයන් එක් පැත්තකින් යම් නිකායවල මහානායක හිමිවරුන්ට අක්තපත්‍ර භාරදීමේ උත්සවලට අනුග්‍රහය දැක්වීමට පමණක් නොව ස්තුති කථා ඉදිරිපත් කිරීමට පවා අවස්ථාව නිර්මාණය කරගෙන ඇත. අනෙක් පැත්තෙන් ඔවුන් හිමාලයා ප්‍රකාශය මහා සංඝරත්නයට පමණක් නොව ජනාධිපති අනුර දිසානායක මහතාට පිළිගැන්වීම සඳහා රණවිරු මාතාවක් වන ප්‍රභල බෙදුම්වාදී රාජ්‍ය නොවන සංවිධාන ක්‍රියාකාරිනියක් යොදාගෙන ඇත. 


ඒ අනුව 2024 දෙසැම්බර් 19 දින කොළඹ ප්‍රධාන පෙළේ හෝටලයක දී වැඩමුළුවක් පවත්වා එම වැඩමුළුවට රටේ භික්ෂූ නායකත්වයේ ප්‍රභල හරස්කඩක් මෙන්ම ඊනියා ගිහි උගතුන් පිරිසක් සම්බන්ධ කරගැනීමට ඩයස්පෝරාව විසින් සැලසුම්කර තිබිණි. එහිදී ඔවුන්ගේ ප්‍රභල ජයග්‍රහණයක් වන්නේ ඔවුන් සඳහන් කරන ආකාරයට එම වැඩමුළුවෙන් පසු 20 වැනි දින හිමාලයා ප්‍රකාශය නිල වශයෙන් ජනාධිපති අනුර දිසානායක මහතාට පිළිගැන්වීමට අවස්ථාව නිර්මාණය කරගැනීමය. ඉහත සඳහන් කළ ආකාරයට නව පිටපත යටතේ අර්චුනා මන්ත්‍රීවරයා යොදාගන්නා ආකාරයටම ප්‍රභල ඩයස්පෝරා සාමාජිකයන් තිරය පිටුපස සිට රාජ්‍ය නොවන සංවිධාන 'ගෝඩ් මදර්" කෙනෙකු වේදිකාවට කැඳවීමට කටයුතු කර ඇත. ඇයට බුද්ධ කාලයේ මහා උපාසිකාවගේ නම යොදා තිබීම මෙන්ම ඇය යුද්ධයෙන් පීඩාවට පත්වූ කාන්තාවන් නියෝජනය කරන ප්‍රභල රාජ්‍ය නොවන සංවිධානයක ප්‍රධානියා ලෙස ජාත්‍යන්තර තලයේ ප්‍රසිද්ධියක් ඉසිලීම ද බෙදුම්වාදීන්ගේ වාසිය සඳහා යොදාගනු ඇත. ඊට අමතරව ඇයගේ පුත්‍රයකු අතරුදන් වූ ආරක්ෂක හමුදා නිලධාරින්ගේ නම් ලැයිස්තුවට ඇතුළත් වීමද ප්‍රභල සුදුසුකමක් බවට පත්වන බවට සැකයක් නැත. කෙසේ වෙතත් 19 සහ 20 දින එම භික්ෂූන්ට එරෙහිව පැවැත්වුනු මහජන විරෝධතා නිසා ජනාධිපතිවරයා එම ලේඛනය භාරගැනීමට ඉදිරිපත් නොවීය. 


ඔවුන්ගේ පැත්තෙන් ගත්විට 13 වැනි ව්‍යවස්ථා සංශෝධනයට එරෙහිව පවතින ප්‍රභල මහජන විරෝධය සමනය කිරීම හිමාලයා ප්‍රකාශනයේ මූලික අරමුණ වන බැවින් එම මල් වට්ටියට හැකි කරම් මහා සංඝරත්නයේ සහ සිංහල සමාජයේ හරස්කඩ ලවා අතගස්සවා ගැනීම ඉතා වැදගත් බවට විවාදයක් නැත. මීට පෙර 2002- 2003 කාලයේ දී 'එක් ලේඛනයක මූලාරභය' නමින් එවැනිම පොදු ලියවිල්කට මහා සංඝරත්නය ඇතුළු ජාතක බලවේගයේ නායකත්ව භූමිකාවක් ඉටුකරන පිරිසකගේ අත්සන් ලබාගැනීමට උත්සාහ කරනු ලැබීය. එම ක්‍රියාවලියට අනුග්‍රහය දැක්වූයේ ප්‍රභල බෙදුම්වාදී රාජ්‍ය නොවන  සංවිධානයක් වූ බර්ගොෆ් පදනමය. නමුත්  එදා ලියුම්කරු ඇතුළු යම් පිරිසක් එම උත්සාහය කඩාකප්පල් කිරීමට සමත් විය.


නමුත් අදවන විට පාර්ලිමේන්තු මැතිවරණයට පසුව උතුරේ ඡන්ද වෙනස්වීම යොදාගනිමින් ආණ්ඩුවට සහ මහජනයාට මානසික බාධක පැනවීමට ඩයස්පෝරාව ප්‍රමුඛ බෙදුම්වාදී බලවේග සමත්ව ඇත. බෙදුම්වාදයට විරුද්ධවීම ජාතිවාදය හිස එසවීමක් ලෙස වැරදි ලෙස විග්‍රහකරමින් එම මානසික යුද උපක්‍රමය සාර්ථකව යොදාගන්නා ආකාරය අද ඉතා හොදින් දැකගත හැකිය. නමුත් සත්‍ය වන්නේ උතුරේ සැලකිය යුතු පිරිසක් උතුරේ වෙල්ලාල ප්‍රභූන් විසින් ප්‍රචලිත කරන දෙමළ ජාතිවාදය හා එහි කූඨප්‍රාප්තිය වන බෙදුම්වාදය ප්‍රතික්ෂේප කර ඇති බවය. කෙසේ වෙතත් එම තත්ත්වය තුළ බෙදුම්වාදී ප්‍රවනතාවන්ට එරෙහිව බහුතර සිංහල ජනතාව ප්‍රතික්‍රියා දැක්වීම වැළැක්වීම සඳහා මානසික බාධක පනවා ඇති බව සත්‍යයකි.


ඒ ආකාරයට බෙදුම්වාදයට විරුද්ධවීම වැළැක්වීම සඳහා මහාසංඝරත්නයට සහ බහුතර සිංහල ජනතාවට මානසික බාධක පනවන අතර හිමාලයා මල් වට්ටියට අතගැසීමට පෙළඹවීම මගින් බෙදුම්වාදීන් සමග සාමදානයට එළඹීම සදහා පෙර පැවති මානසික බාධක ඉවත් කිරීම ද සිදුවේ. ඩයස්පෝරාව විසින් එම ක්‍රියාවලිය හඳුන්වනු ලබන්නේ ' නිරතවීම' හෙවත් Engage වීම ලෙසය. බෙදුම්වාදීන් 2002 සිට ඒ සදහා උත්සාහ කළ ද එය සාර්ථක වන්නේ වසර 20කට පසු 2023 දීය. ඩයස්පෝරාව ප්‍රමුඛ බෙදුම්වාදී බලවේගවල එම අසාර්ථක වීම පිළිබඳව බෙදුම්වාදී යුද්ධය පරාජය වීමෙන් පසුව 2010 දී නෝර්වේජියානු ආධාර සංවිධාන විසින් කැඳවූ වෝහාරික අධ්‍යයන වාර්ථාවක් මගින් කරුණු දක්වා ඇත. 


සාමයේ ඉත්තෝ යනුවෙන් නම්කර තිබූ පිටු 182කින් සමන්විත එම අධ්‍යයන වාර්ථාව සකස්කරනු ලබන්නේ ලන්ඩන් විශ්වවිද්‍යාලයේ පෙරදිග අධ්‍යයන අංශයේ මහාචාර්යවරු 5 දෙනෙකු විසිනි. එම වාර්තාව කැඳවනු ලබන්නේ නොර්වේජියානු මැදිහත්වීම මත සුඩානය බෙදා වෙන් කිරීමට හැකිවුවද ශ්‍රී ලංකාවට අදාළව ඔවුන් අසාර්ථක වන්නේ කුමක් නිසාදැයි සොයාගැනීම සඳහාය. ඒ ආකාරයට සිදුවූ වරද කුමක්දැයි සොයාගැනීමට අවශ්‍ය වන්නේ වරද නිවරදි කිරීම සඳහා බව කුඩා ළමයෙකුට වුවද වටහා ගත හැක. එම වාර්තාව මගින් ප්‍රධාන හේතු 4ක් හඳුනාගෙන ඇත. එම හේතු අතරින් ප්‍රමුඛතම එක් හේතුවක් වන්නේ බෙදුම්වාදී රාජ්‍ය නොවන සංවිධාන නොර්වේජියානු රජයෙන් අරමුදල් ලබාගත්ත ද ඔවුන් විසින් තමන්ට පැවරුණු භූමිකාව ඉටුකිරීමට අසමත් වීමය. එනම් ඔවුන් මහාසංඝරත්නය ප්‍රමුඛ ජාතික බලවේග සහ බහුතර සිංහල ජනතාවගේ සැකයට, වෛරයට සහ පිළිකුලට භාජනය වූවා මිස එම බලවේග දිනාගැනීමට අසමත් වීමය. වෙනත් වචන වලින් කියන්නේ නම් බෙදුම්වාදී  මල් වට්ටියට අතගැසීමට එම බලවේග අතර මානසික බලපෑමක් ඇති කිරීමට ඔවුන් අසමත් වීමය. දැන් හිමාලයා ප්‍රකාශය මගින් එම මූලධර්මික වරද නිවැරදි කිරීමට ඩයස්පෝරාව ප්‍රමුඛ බෙදුම්වාදී බලවේග යම් පමණකට සමත්වී ඇති බව ඉතා පැහැදිලිය.


එම වාර්තාවේ අඩංගු සෙසු ප්‍රධාන හේතු අතුරින් එකක් හැර ඉතිරි ඒවා නිවැරදි කිරීමට නොවේජියානවන් ඇතුළු විදේශීය සහ බෙදුම්වාදී බලවේග මේ වන විට සමත්වී ඇති බව පෙනේ. ඒ අතරින් ඔවුන්ගේ අසමත් වීමට ප්‍රධාන හේතුවක් ලෙස හඳුනාගත හැක්කේ ජනතා විමුක්ති පෙරමුණේ අතීත භූමිකාවය, එනම් ජාතිකවාදී භූමිකාවය. එම භූමිකාව ජාතික ජනබලවේගය තුළ යටපත් කිරීමට හැකිවී ඇති බව රහසක් නොවේ. අද ජාතිවාදයට විරුද්ධවීමේ නාමයෙන් ජාතිකවාදී භූමිකාව අත්හැරීම සහ බෙදුම්වාදයට එරෙහිවීම වැළැක්වීම සඳහා ආණ්ඩුවට මෙන්ම සමාජයට ද මානසික බාධක පනවා ඇති බවද පැහැදිලිවම දැකගත හැකිය.


එම වාර්තාව මගින් නෝර්වේජියානුවන්ගේ අසමත්වීමට අදාළ තුන්වන හේතුව ලෙස හඳුනාගෙන ඇත්තේ හෙළ උරුමය පක්ෂය විසින් භික්ෂූන් වහන්සේලා දේශපාලන වේදිකාව මත ඉන්පෙර ඉටුනොකළ භූමිකාවක් ඉටුකිරීම සඳහා පෙළඹවීමට සමත් වීමය. හෙළ උරුමය පක්ෂයේ භූමිකාව මගින් එදා ජනතා විමුක්ති පෙරමුණ විසින් සටන් විරාම ගිවිසුමට, තාවකාලික ආණ්ඩු යෝජනාවට සහ සුනාමි සහන මණ්ඩලයට එරෙහිව දියත් කළ ප්‍රභල විරෝධතාවන්ට සහායක් ලැබුනු  බව රහසක් නොවේ. අද වන විට එම වරදද නිවැරදි කිරීම හෝ නිවැරදි වීමට ඉඩ සැලසීම සිදුවී ඇති බවද රහසක් නොවේ. කෙසේවෙතත් හතරවන හේතුව හෙවත් එදා පැවති රනිල් - චන්ද්‍රිකා පුද්ගල ගැටුම සමනය කිරීමට නෝර්වේජියානුවන් අසමත් වීම පමණක් අදට ද වලංගු වේ.


එදා රනිල් - චන්ද්‍රිකා ගැටුම සමනය කිරීමට බෙදුම්වාදී බවේග අසමත් වූ ආකාරයට මෙදා රනිල් - සජිත් ගැටුම සමනය කිරීමට ඔවුන් අසමත් වූ බව ඉතා පැහැදිලිය. එදා ඔවුන් චන්ද්‍රිකා - රනිල් ගැටුම සමනය කිරීමට සමත්වූවා නම් සුඩානයේ මෙන් තාවකාලික ආණ්ඩු ගිවිසුම අත්සන් කරන බවට කිසිඳු සැකයක් නැත. එසේ වූවානම් 2009 දී යුද්ධය අවසන් කිරීමට පෙර සුඩානයට අත්වූ ඉරණම ශ්‍රී ලංකාවට ද අත්වන බවද පැහැදිලිය. ඒ අනුව රනිල් - සජිත් ගැටුම සමනය කළ හැකි වූවා නම් බෙදුම්වාදයට අවශ්‍ය දේ බන්දේසියක තබා ලබාදීමට හැකි වන බවටද සැකයක් නැත. නමුත් එය කළ නොහැකි තත්ත්වයක් යටතේ බෙදුම්වාදීන්ගේ තෝරාගැනීම වූයේ සජිත් ප්‍රේමදාස මහතා බව ජනාධිපතිවරණයේ දී උතුරු සහ නැගෙනහිර පළාත්වල දිස්ත්‍රික්ක 5ක මෙන්ම නුවරඑළිය සහ බදුල්ල යන දිස්ත්‍රික්කවල ඡන්ද ප්‍රතිඵලවලින් පැහැදිලි වේ.


නමුත් සජිත් ප්‍රේමදාස මහතාගේ පරාජය හෙවත් අනුර දිසානායක මහතාගේ ජයග්‍රහණය සනිටුහන් කරන්නේ බහුතර සිංහල ජනතාව විසින් බව ජනාධිපතිවරණයේ ඡන්ද ප්‍රතිඵලවලින් ඉතා හොඳින් පැහැදිලි වේ. ඒ අනුව පාර්ලිමේන්තු මැතිවරණයේ දී ඔවුන්ගේ තෝරාගැනීම හෙවත් 'ප්ලෑන් බී' බවට පත්වන්නේ අනුර දිසානායක මහතා බව පාර්ලිමේන්තු මැතිවරණයේ දී උතුරේ සහ නුවරඑළිය දිස්ත්‍රික්කයේ ඡන්ද ප්‍රමාණයන් විශ්ලේෂණය කිරීමේ දී පැහැදිලිව දැකගත හැක. එම ජයග්‍රහණය තුළින් පළමු වටයේ දී බෙදුම්වාදීන්ට සතුටුවිය හැකි ප්‍රතිඵල ලැබී ඇති බවට සාධාරණ තර්කයක් ගොඩනැගිය හැක. ඊට හේතුව ආණ්ඩුවේ පාර්ශ්ව ඡන්ද ප්‍රතිඵලවලින් පසුව ජාතිවාදය අවසන් බවට ප්‍රකාශ කරමින් සිංහල ජාතිවාදයක් පිළිබඳව ඇඟවීම කරන අතර, දෙමළ ජාතිවාදය සහ එහි කූඨප්‍රාප්තිය වන බෙදුම්වාදය පිළිබඳව කතා නොකිරීමය. ඉන්පසුව මළවුන් සැමරීමේ නාමයෙන් ප්‍රභාකරන් සහ මහවිරු සති සැමරුම් උත්සව පිළිබඳව ආණ්ඩුව විසින් ගනුලැබූ පියවර අනුව එම උපකල්පනය තවදුරටත් තහවුරු විය. කෙසේවෙතත් මහජන විරෝධය යම් පමණකට පැනනැගීම නිසා හිමාලයා ප්‍රකාශනය නිල වශයෙන් භාරගැනීමට ජනාධිපතිවරයා මැලිවීම සුභවාදී ලකුණකි. එසේ වුවත් එතුමාගේ ඉන්දියානු සංචාරයේ දී ඉන්දීය අගමැතිවරයා විසින් සිදුකළ බලපෑම්වලට ජනාධිපති අනුර කුමාර දිසානායක මහතා මුහුණ දෙන ආකාරය අනුව රටේ අනාගත ඉරණම තීන්දුවන බව ඉතා පැහැදිලිය.


වෛද්‍ය වසන්ත බණ්ඩාර

ලේකම්

දේශහිතෛෂි ජාතික ව්‍යාපාරය

සම්බන්ධිත පුවත් | Related News

බරපතළ ආර්ථික බිඳවැටීමකට මුහුණු දී, බංකොලොත් වී ඇති ලංකාවේ - මේ උගත්, විද්‍යාර්ථීන් ගේ උකටලී හා නෝංජල් ආකල්ප පද්ධතිය ද - මෙරට සුවිශේෂී නිදහස් අධ්‍යාපනයේ තවත් එක් අවාසනාවන්ත ප්‍රතිඵලයකි.
සිංහල ජාතියේ අභිමානවත් සංස්කෘතික මංගල්‍ය සහ ජාතික දිනය වශයෙන් සැලකෙන අලුත් අවුරුද්ද එළඹීමට තව වැඩි කාලයක් ගත වන්නේ නැත. අප්‍රියෙල් මස 14 දිනය යෙදෙන අලුත් අවුරුදු උදාවත් සමග සියලු ලක්වාසීන් එය සැමරීමට එකාවන්ව සැදී පැහැදෙයි.
ඩොනල්ඞ් ට‍්‍රම්ප් ජනාධිපතිවරයාගේ ජයග‍්‍රහණය පිටුපස සිටින ගෝලීය බිලියනපතියන් සමූහය ජනාධිපතිවරණයට පෙර ඇමරිකානු ඊනියා ජාතිකවාදී සහ ජාතිවාදී සුදු ජාතික ඉහළ පන්තිය පිනවීම සඳහා ඉදිරිපත් කළ ඇමරිකානු ජාතිකවාදී ප‍්‍රතිපත්තියේ ප‍්‍රධාන හැඩතලයක් වුයේ නැගී එන චීනයේ ආර්ථික බලය බිඳ දමමින් නැවත වටයකින් ඇමරිකානු අධිපතිවාදී ආර්ථික බලය ශක්තිමත් කිරීමේ අවශ්‍යතාවයයි. ඊට අදාළව ඔහු විසින් ඉදිරිපත් කරනු ලැබුවේ
ඉන්දීය අගමැති නරේන්ද්‍ර මෝදිගේ මෙවර ශ්‍රී ලංකා සංචාරය ඉතා ආන්දෝලනාත්මක බවත්, ඉන්දීය අගමැතිවරයාගේ මෙම සංචාරයේ දී දෙරට අතර අවබෝධතා ගිවිසුම් 7ක් අත්සන් කළද ශ්‍රී ලංකා රජය හෝ ඉන්දීය රජය මේ වන තෙක් එම ගිවිසුම් පිළිබඳව පැහැදිලි අනාවරණයක් සිදුකොට නොමැති බවත්, මේ පිළිබඳව කරුණු පැහැදිලි කරන අන්තර්ජාල නාලිකාවක් විසින් හෙළිකරයි.
ඔබ මෙම තීරු ලිපිය කියවන විට මෙහි සඳහන් හා සඳහන්ව නොමැති බොහෝ දේ සිදු වී අවසන් ව තිබිය හැකි ය.
13 වැනි ආණ්ඩුක්‍රම ව්‍යවස්ථා සංශෝධනය කරළියට පැමිණෙන්නේ 1987 වසරේ වුවද 13 වැනි සංශෝධනයට මුලපුරණ සිදුවීම් මාලාව ආරම්භ වූයේ 1983 වසරේ දී බව ප්‍රවීන මාධ්‍යවේදී ධර්ම ශ්‍රී කාරියවසම් මහතා පවසයි.
මෙරට ඉපැරැණි සූප ශාස්ත්‍ර කෘතීන්වල ඇති කරුණු අනුව ආහාර පිසින පුද්ගලයාගේ දේහ ලක්ෂණ පවා විස්තර කර ඇති බවත්, මෙම ඉවුම්පිහුම් ක්‍රමවේදය ශාස්ත්‍රයක් වන්නේ ඒ නිසා බවත් ආහාර පිසිමේ දී ලිපට යොදන දර කුමන වර්ගයක් විය යුතුද යන්න පවා ඒවායේ දක්වා ඇති බවත් මහාචාර්ය රාජ් සෝමදේව මහතා පවසයි.
වාරියපොල ශ්‍රී සුමංගල හිමි 1815 මාර් තු 02 වන දින ඉංග්‍රීසි කොඩිය බිම දමා සිංහල කොඩිය ධජය ඔසවා අදට වසර 209කි.
මේ වසරේ, ශ්‍රී ලංකාව දරුණු සන්ධිස්ථානයක් සනිටුහන් කරයි - කුප්‍රකට මහ බැංකු බැඳුම්කර මගඩියට වසර දහයක් සපිරෙන, ජාතියේ වසර 5,000ක ඉතිහාසයේ පෙර නොවූ විරූ පරිමාණයේ මූල්‍ය සෝලිය. 2015 පෙබරවාරියේ සිදු වූයේ හුදෙක් වංචාවේ හුදකලා සිදුවීමක් නොව, රටේ ආර්ථිකය වියලි, පොලී අනුපාත හසුරුවා, සහ මිලියන ගණනක වියදමින් තෝරාගත් කිහිප දෙනෙකු පොහොසත් කළ ඉතා සූක්ෂම ලෙස සැලසුම් කරන ලද යෝජනා ක්‍රමයකි.

ප්‍රධාන පුවත්

පාස්කු ප්‍රහාරය ගැන මුජිබර්ගෙන් ආන්දෝලනාත්මක අනාවරණයක් (වීඩියෝ)

පාස්කු ප්‍රහාරය සඳහා පැමිණි සහරාන් සහ ඉල්හාම් යන දෙදෙනා රැඳී සිටි කොළඹ ශැංග්‍රිලා හෝටලයේ කාමර අංක 616 පිළිබඳ තවමත් අනාවරණය

ලංකාවට පැමිණ ආයෝජන කරන්න... ජනාධිපති දෙමළ ඩයස්පෝරාවෙන් ඉල්ලයි...

1983 සිට මෙරට පැවති ජාතිවාදී කළබල හේතුවෙන් මෙරටින් පිටවගොස් සිටින දෙමළ ඩයස්පෝරාවේ මූල්‍යමය හැකියාවන් සහිත පිරිස් වෙතින් ජනාධිපතිවරයා ඉල්ලීමක් කරමින් පවසන්නේ මෙරටට පැමිණ සිය ආයෝජන සිදුකරන ලෙසයි.

මූලධර්ම පටලවා ගත් මැතිවරණ කොමිසමේ සාමාජිකයන්ගෙන් අමතර පිරිවැය අය කරගත යුතුයි - ජාතික සංවිධාන කියයි

පළාත් පාලන මැතිවරණයට අදාළව ආයතනවල තුනෙන් දෙකක නාම යෝජනා ප්‍රතික්ෂේපවීම සහ අධිකරණ නියෝග ක්‍රියාත්මක කිරීම සඳහා ඡන්ද පත්‍රිකා නැවත මුද්‍රණය කිරීමට සිදුවීම ආදී අවුල් ජාලයට වගකිය යුත්තේ කවුද? ලංකා ලීඩර් ජාතික සංවිධානවල මතය විමසන ලදී. මේ වෛද්‍ය වසන්ත බණ්ඩාර මහතාගේ අදහස ඔහුගේ වචනයෙන්

ප්‍රාදේශීය සභාවකට අරමුදල් අහිමි කරන්න විධායකයට බැහැ ... ඡන්ද බලහත්කාරය විධායක අයිතියක් නොවේ. හිටපු ආණ්ඩුකාරවරුන්ගෙන් ප්‍රකාශයක්

ආණ්ඩුවේ නොවන දේශපාලන පක්ෂයක් හෝ ස්වාධීන කණ්ඩායමක් විසින් ජයග්‍රහණය කරනු ලබන මහ නගර සභාවකට, නගර සභාවකට, ප්‍රාදේශීය සභාවකට අරමුදල් අහිමි කරන්නට රජයට හැකියාවක් නැති බව හිටපු පළාත් ආණ්ඩුකාරවරු තිදෙනෙක් අවධාරණය කරති.

GSP+ රැකගන්න ත්‍රස්තවාදය වළකන පනත ඉක්මණින් හකුළයි

යුරෝපා සංගමයෙන් ශ්‍රී ලංකා අපනයන සඳහා ලබා දී ඇති GSP+ බදු සහනය දීර්ඝ කර ගැනීමේ අරමුණින් ත්‍රස්තවාදය වැළැක්වීමේ පනත කඩිනමින් අහෝසි කිරීමට රජය පියවර ගෙන තිබේ.

පාස්කු ඉරුදිනය අදයි

ජේසුස් ක්‍රිස්තුස් වහන්සේගේ උත්ථානය සිහිපත් කරමින් ලොව පුරා කිතුණු බැතිමතුන් සමරනු ලබන පාස්කු දිනය අදට (20) යෙදී තිබේ.

විශේෂ ආරක්‍ෂක අංග අංක තහඩුවෙන් ගැලවිලාලු - සේවකයෝ කියති

වාහන අංක තහඩු සැපයුම්කරුවෙක් තෝරාගැනීම සඳහා වර්තමාන ආණ්ඩුව කැඳවා ඇති නව ටෙන්ඩරයේ මීට පෙර නිෂ්පාදනය කළ අංක තහඩුවට ඇතුළත්ව තිබූ විශේෂ ආරක්‍ෂක අංග ඉවත්කර ඇතැයි මෝටර් රථ ප්‍රවාහන දෙපාර්තමේන්තුවේ සේවකයෝ චෝදනා කරති.

ට්‍රම්ප්ගේ බද්දෙන් නිදහස් කරන්නැයි ඉල්ලූ එක්සත් ජාතීන්ගේ සංවිධාන ලැයිස්තුවේ ලංකාව නෑ

අමෙරිකානු ජනපති ඩොනල්ඩ් ට්‍රම්ප් විසින් පැනවූ තීරු බදුවලින් ලොව දුප්පත් සහ කුඩාම රටවල් නිදහස් කරන ලෙස එක්සත් ජාතීන්ගේ සංවිධානය ජනපතිගෙන් ඉල්ලා තිබෙනවා.

චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි

ඔක්තෝබර් මැද භාගයේදී බලාත්මක වීමට නියමිත චීනයේ නිර්මාණය කරන ලද සහ චීනයේ ලියාපදිංචි යාත්‍රා සඳහා නව වරාය ගාස්තු පිළිබඳ එක්සත් ජනපද රජයේ නිවේදනයට ප්‍රතිචාර දක්වමින්,

ONLINE පනත ඉවතට

‘මාර්ගගත ක්‍රමවල සුරක්ෂිතභාවය පිළිබඳ පනත’ නොඑසේනම් බොහෝ දෙනෙක් දන්නා පරිදි ඔන්ලයින් ( ONLINE ) පනත අවලංගු කිරීමට පියවර ගැනේ.

සිරි දළදා වන්දනාව අද ඇරඹෙයි

සිරි දළදා වන්දනාව අද (18) දින සිට ආරම්භ කෙරෙන අතර ඒ අනුව, අද පස්වරු 3:30 සිට පස්වරු 5:30 දක්වා දළදා වහන්සේ දැක බලා වන්දනාමාන කරගැනීමට සැදැහැවතුන්ට අවස්ථාව උදාවෙයි.

වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි

බෞද්ධ කටයුතු සම්බන්ධයෙන් චෝදනා ලැබ වියට්නාමයේ තහනම් කොට ඇති සංවිධානයක් ලංකාවට පැමිණ පාද චාරිකාවක නිරත වන බවත් ඔවුන් භික්ෂූ විනයට පටහැනි ලෙස ක්‍රියාකරන සංවිධානයක් බවත් ඒබැවින් ඒම පාද

’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්

මැතිවරණ නීති උල්ලංඝනය වන ප්‍රකාශ කිරීමෙන් වළකින ලෙස ජනාධිපතිවරයා දැනුවත් කරන්නැයි මැතිවරණ කොමිෂන් සභාව ජනාධිපති ලේකම්වරයාට ලිපියක් යොමු කරමින් දැනුම්දී ඇත.

‘අවමාන තර්ජනය නවත්වනු’ - චීනය ඇමරිකාවට තදින් පවසයි

දෙරට අතර උත්සන්න වන වෙළඳ ආරවුල සංවාදයෙන් විසඳා ගැනීමට අවශ්‍ය නම්, චීනය “අවමාන තර්ජනය කිරීම සහ කප්පම්කරුවෙකු ලෙස හැසිරීම නවත්වන ලෙස” ඇමරිකාවෙන් ඉල්ලා තිබේ.

© 2024 Lanka Leader All Rights Reserved. | 
Powered By Smart eCampaign.