වරායේ ගල් ගෙඩිත් අතුරුගිරියේ කොස් ගෙඩියත් එකක්මද?- අරුණ පුවත් පත අමාත්ය නලින්දගෙන් අසයි
පසුගිය සතියේ තම පුවත්පත විසින් පළ කළ රජය විසින් ආරම්භ කර ඇති ක්ලීන් ශ්රී ලංකා වැඩසටහන යටතේ පාරේ කොස් විකුණන්න බැරි බව පැවසූ වාර්තාවේ අකුරක් කොමාවක් නෑර සියල්ල සත්ය බව අරුණ පුවත්පත අවධාරණය කරයි.
අද(06) දින අරුණ පුවත්පතේ විශේෂ කර්තෘ සටහනක් තබමින් කතෲවරයා අවධාරණය කරන්නේ මෙම වාර්තාවේ සියල්ල සනාථ කිරීම සඳහා අදාල හඬපට වීඩියෝ සාක්ෂි පවා පුවත් පතෙහි කතෲ මණ්ඩලය සතුව තිබෙන බවයි.
ජනමාධ්ය අමාත්ය නලින්ද ජයතිස්ස මහතා පුවත්පතට චෝදනා කරමින් පවත්වන ලද මාධ්ය සාකච්ඡාවෙන් පසු අදාළ වාර්තා වීඩියෝ පට ආදිය ලබා දීමට පුවත් පතෙහි කතෘ මණ්ඩල සාමාජිකයින් උත්සාහ කළද අමාත්යවරයා දුරකථන ප්රතිචාර වලට ප්රතිචාර නොදැක්වූ බවද පුවත්පතේ විශේෂ කර්තෘ සටහන අවධාරණය කරයි..
අරුණ පුවත්පතේ පලවූ සම්පූර්ණ කතෘ සටහන මෙසේය.
පුවත සත්යයි
කර්තෘ සටහන
‘ක්ලීන් ශ්රී ලංකා යටතේ පාරේ කොස් විකුණන්න බැහැ’ යනුවෙන් පළ වූ පුවත සම්බන්ධයෙන් ජනමාධ්ය අමාත්ය නලින්ද ජයතිස්ස විශේෂ මාධ්ය සාකච්ඡාවක් පවත්වා එය සම්පූර්ණ අසත්යයක් බවත් එය ද්වේශ සහගතව ‘ක්ලීන් ශ්රී ලංකා’ වැඩසටහනට බාධා පැමිණවීමට පළකළ එකක් බවටත් චෝදනා කරමින් පත්තරයත්, ආයතනයත්, හිමිකාරිත්වයත් දැඩි සේ විවේචනය කළේය.
මේ මොහොතේ පළමුවෙන් එම පුවත සම්බන්ධයෙන් අප ක්රියා කළ ආකාරය පැහැදිලි කර දිය යුතුය.
පනාගොඩ නගරයේ පදික වේදිකාවේ වෙළෙඳාමේ යෙදෙන කොස් කපන්නකු ඇතුළු පිරිසක් අතුරුගිරිය පොලිසිය විසින් ‘ක්ලීන් ශ්රී ලංකා’ වැඩසටහන යටතේ ඉවත් කරන්නට යන බවට වාර්තා වූ වහාම අප කර්තෘ මාණ්ඩලිකයා ඒ ගැන සම්පූර්ණ වාර්තාවක් අදාළ වෙළෙන්දාගෙන් ලබාගත්තේය. එම වාර්තාව ලියා ගැනීමට සීමා නොවූ අතර, පටිගත කර ගැනීමටද අප කර්තෘ මාණ්ඩලිකයා කටයුතු කළේය. ඒ වන විටත් ඔවුන්ට අට වැනිදා නඩු පවරන බවත් ඒ කටයුතු සඳහා පොලිසියට එන ලෙසත් පොලිසියම නියෝග කර තිබුණි. නඩු පැවැරීමට පොලිසියට එන ලෙස කියූ බවට ඔවුන් කළ ප්රකාශයද අප සතුය.
සාමාන්ය්ය තත්ත්වයක් යටතේ පුවත්පත කළ යුත්තේ අදාළ සිද්ධිය ගැන බලධාරීන්ගෙන් විමසා වාර්තාව පුවත්පතේ පළ කිරීමය. එහෙත් අප ඉන් ඔබ්බට ගොස් පුරවැසියකුගේ යුතුකම් පැත්තෙන්ද කටයුතු කළ ආකාරය පැහැදිලි කළ යුතුය.
පොලිසිය ‘ක්ලීන් ශ්රී ලංකා’ වැඩසටහන පිට දමා පදික වෙළෙන්දන් ඉවත් කිරීමෙන් රජය සද්භාවයෙන් කරන එම වැඩසටහන අවුල් කෙරෙන බව අපි වටහා ගන්නෙමු. අප කර්තෘ මාණ්ඩලිකයා පත්තරේ එය පළ කිරීමට පෙර එම හඬ පටද රජයට සම්බන්ධ පාර්ශ්ව වෙතින් පොලිස්පතිවරයාටත් ඉන් ඉහළින් ඉන්නා බලධාරීන්ටත් යවන්නට කටයුතු කළේය. එහෙත් එය ලැබුණේ දැයි කිව නොහැකිය. පත්තරකාරයින්ගේ රාජකාරියෙන් බැහැරව ගොස් කටයුතු කළේ පොලිසියේ නඩු දැමීමෙන් මේ අහිංසක වෙළෙන්දන්ට වෙන හානිය වළක්වා ගන්නටය. තමන්ගේ ‘ක්ලීන් ශ්රී ලංකා’ වැඩසටහනට බාධාවන මෙවැනි ක්රියා වහා වළක්වා ගන්නට ජනාධිපතිගේ බසින් කීවොත් සහකම්පනයෙන් කටයුතු කරවීම අපේ අපේක්ෂාව විය. රජය සමග ද්වේශයක් තිබුණේ නම් සතුරු හැඟීමක් තිබුණේ නම් අප කළ යුතුව තිබුණේ පොලිසිය වෙළෙන්දන්ට කියූ ආකාරයට නඩු දාන්නට සලස්වා ඒ ආකාරයටම රට පුරා කරන්නට ඉඩ දී පසුව එය වාර්තා කිරීමය.
සතුරා වරදක් කරන විය එය නිවැරදි කරන්නට එපාය යන උපදේශය අනුව නම් අප කටයුතු කළ යුත්තේ එසේය. එහෙත් මෙබන්දක් වළක්වා ගැනීමට කටයුතු කළේ අපට ආණ්ඩුව සමග හතුරු හිතක් නොතිබූ නිසාය. අප වාර්තාව පළ කළේ එසේ ක්රියා කිරීමෙන් පසුය. එහෙත් යම් නිලධාරියකු ඒ ගැන මගෙන් විමසුවේ නෑ කියා කියන්නේ නම් අප ඒ ගැන හබ කරන්නට යන්නේ නැත. එසේ නොකරන්නේ අනාගතයක් තියෙන නිලධාරින්ගේ රස්සාවට කෙළින්නට අපිට වුවමනා නැති නිසාය. එහෙත් අපි ලියූ වාර්තාවේ කොමාවටත් අපි වගකියමු. සියල්ල සාක්ෂි පටිගත කළ සාක්ෂි සහිතය.
අමාත්යවරයා මීට ඉහත පත්තරේ පළ වූ වාර්තා හතරක් හුවා දක්වා අරුණ ආණ්ඩුවට සතුරුව කළමනාකාරිත්වය සමග කටයුතු කරන බව ප්රකාශ කළේය.
ජනාධිපතිවරණයේද මහ මැතිවරණයේද ආණ්ඩුව පිහිට වූ පසුද ජාතික ජන බලවේගයද එහි නායකකාරකාදීන් කළ කතා ප්රකාශ සේම ක්ලීන් ශ්රී ලංකා දියත් කළ දා ජනාධිපතිවරයා කළ ප්රකාශය පළකිරීමට දුන් ඉඩද කළමනාකාරීත්වය නියෝජනය කරන සර්වජන පක්ෂයට දුන් ඉඩකඩද සන්සන්දනය නොකර ප්රවෘත්ති හතරක් හුවාදැක්වීමෙන් පෙනෙන්නේ කුමක්ද? අමාත්යවරයාද ආණ්ඩුවද පුවත්පතට සතුරු හැඟීමකින් කටයුතු කරන බවය.
මේ තර්ජනවලට බිය නොවන ලෙස කියන මිතුරන්ට අප කියන්නේ කුමක්ද?
මෙයට පෙරාතුව ඒකාධිපති යැයි කියන ආණ්ඩු හමුවේ හතරවැනි තට්ටුවට ගිය අත්දැකීම් අපට ඇත. එහෙත් එයින් අපව සසල කරවීමට නොහැකි වුණා මෙන්ම ඔවුන්ගේ ඒ හැසිරීම් හමුවේ වුව කිසි විටෙකත් සතුරු හිතකින් අප කටයුතු කළේද නැත. මාලිමා ආණ්ඩුව කෙරෙහිද ඒ හැඟීම එසේමය. ආණ්ඩුව කටයුතු කරන්නේ මෙහෙම නම් පොලිසිය ආණ්ඩුවේ මුඛ්ය ව්යාපෘතියක් කෙරෙහි කටයුතු කරන්නේ මෙහෙම නම් අප හතුරුකම් කරන්නේ කුමටද?නීති රීති පනවා කටයුතු කරන්නට කලින් නිවැරදි වීමට කාලය දෙන බව කියා කියූ කියුම ස්තූතිපුර්වකව භාරගන්නා අප, අදාළ ප්රවෘත්ති සාකච්ඡාවෙන් පසුව පුවතේ සත්යතාවය අදාළ වාර්තා වීඩියෝ පට ආදිය ලබාදී එතුමා නිවැරදි කිරීමට උත්සාහ කළත් එතුමා දුරකථනයට උත්තර නොදුන්නේය. මේ සටහන ලියුවේ ඒ නිසාය.
සම්බන්ධිත පුවත් | Related News
ප්රධාන පුවත්
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්
ජයග්රාහී ජාතියක් වීමට නම් මව් භාෂාවට මුල් තැන දිය යුතුයි.. – හිටපු පාර්ලිමේන්තු මන්ත්රී ගෙවිඳු කුමාරතුංග
ශ්රීලංකන් ගුවන් සමාගම මුල්කරගෙන ඇමති සහ නියෝජ්ය ඇමති අතර ගැටුම උපරිමයට පැමිණෙයි..