දින 100 ක් තුළ අසාර්ථකම ආණ්ඩුව NPP - ගයන්ත කරුණාතිලක
දින 100 ක් තුළ අසාර්ථකම ආණ්ඩුව රට පාලනය කරන බව ජනතාවට දකින්න ලැබී ඇතැයි සමගි ජන බලවේගය පාර්ලිමේන්තු මන්ත්‍රී විපක්ෂයේ ප්‍රධාන සංවිධායක ගයන්ත කරුණාතිලක මහතා පැවසීය.
පිටකෝට්ටේ පිහිටි එම පක්ෂයේ ප්‍රධාන කාර්යාලයේ ඊයේ (02) පැවැති මාධ්‍ය හමුවට සහභාගී වූ ඔහු මෙසේද කියා සිටියේය.
මේ වනවිට ආණ්ඩුවේ සහ ජනාධිපතිවරයාගේ කාල සිමාව දින 100 ඉක්මවා ගොස් තිබෙනවා. පැවැති ආණ්ඩු වලින් දින 100 ක් තුළ අසාර්ථකම රජයක් රට පාලනය කරන බව ජනතාවට අද දකින්න ලැබිලා තිබෙනවා. පැය 24 න් එක පෑන් පහරකින් කඩිනමින් ජනතාවට සහන දෙන බව ජාතික ජන බලවේගය මැතිවරණ වේදිකාවල පැවැසුවා. ජනතාව මත පටවා තිබෙන අසාධාරණ බදු ඉවත් කරන ආකාරය පිළිබඳව ජාතික ජනබලවේගය දිගින් දිගටම කතා කළා. ඒ වගේම ඉන්ධන මිල අඩු කරන ආකාරය දිගින් දිගටම ජාතික ජනබලවේගය මැතිවරණ වේදිකාවල කතා කළා. අසාධාරණ බදු අය කිරිම නැති කරලා, කොමිස්
ගැහිලි නතර කරලා, ඉන්ධන අඩු මුදලට ජනතාවට ලබාදිය හැකි බව ජාතික ජන බලවේගය ප්‍රකාශ කළා. ඒ වගේ විදුලි බිල අඩු කරන ආකාරය ගණන් හදලා ජනතාවට පැහැදිලි කරලා දුන්නා. සියල්ලම දින සියයකින් කරන ආකාරය තමයි මැතිවරණ වේදිකාවලදී ජාතික ජන බලවේගය ප්‍රකාශ කළේ. නමුත් දින සියයක් ගතවෙලත් තුනෙන් දෙකකට එහා ගිය බලයක් තිබිලත් ආණ්ඩුව අපොහොසත් වෙලා තිබෙනවා ඒ වැඩ කටයුතු සිදු කරන්න.
නමුත් තුනෙන් දෙකේ බහුතර බලයක් නැතිව සුළුතර බලයක් තිබුණ යහපාලන ආණ්ඩුව දින සියයක් ඇතුළත ජනතාවට දැනෙන වැඩ කොටසක් සිදුකළා. රාජ්‍ය සේවකයින්ගේ වැටුප රුපියල් දහදාහකින් වැඩි කරන්න යහපාලන ආණ්ඩුවට දින සියයක් ඇතුළත හැකියාව ලැබුණා. තෙල් මිල අඩු කරනවා බවට දුන් පොරොන්දුව ඉෂ්ට කරලා පෙන්වන්න දින සියයක් ඇතුළත යහපාලන ආණ්ඩුවට හැකියාව ලැබුණා. විදුලි බිල සැලකිය යුතු ප්‍රමාණයකින් අඩු කරලා සහන ලබාදෙන්න හැකියාව ලැබුණා. අත්‍යාවශ්‍ය පාරිභෝගික භාණ්ඩ රැසක මිල අඩු කරලා ජනතාවට සහන ලබාදෙන්න යහපාලන ආණ්ඩුවට හැකියාව තිබුණා. ජනාධිපතිවරයාගේ බලතල කප්පාදු කරලා පාර්ලිමේන්තුවට බලය දෙන පනත් සම්මත කරගන්න දින සියයක් ඇතුළත යහපාලන ආණ්ඩුවට හැකියාව ලැබුණා. තොරතුරු දැනගැනීම වැනි පනත සාර්ථකව ආරම්භ කිරීමට හැකියාව යහපාලන රජයට ලැබුණා. ස්වාධීන කොමිෂන් සභා ශක්තිමත් කරන්න හැකියාව ලැබුණා.
ඒ වගේම 2025 වසර ආරම්භ වන විට වෙනදා මෙන් කැකුළු සහලින් කිරිබත් සෑදූ ජනතාවට සහල් සොයා ගැනීමට සහ පවතින මිලට සහල් මිලදී ගැනීමට ඉතාම අසීරු තත්ත්වයක් රට තුළ උදාකරන්න රජය කටයුතු කරලා තිබෙනවා. ජාතික ජන බලවේගයට ඡන්දය ලබා දුන් ජනතාවගේ ඡන්දය ගඟට කපපු ඉනි වගේ තත්ත්වයකට අද පත්වෙලා තිබෙනවා. උත්සව සමයේදී සහල්, පොල්, ලු‍ණු හිඟයට අමතරව එළවලු මාළු ඇතුළු පරිභෝජන භාණ්ඩ රැසක මිල අසීමිතව ඉහළ ගොස් තිබීම නිසා ජනතාව පීඩාවට පත් වී තිබෙනවා. රට පුරා පවතින අත්‍යාවශ්‍ය භාණ්ඩවල හිඟය සහ මිල පාලනය කිරීම සඳහා රජය දිගින් දිගටම
ගැසට් නිවේදන නිකුත් කරන ආකාරයක් දකින්න ලැබුණා. ගෝඨාභය රාජපක්ෂ හිටපු ජනාධිපතිවරයාගේ ආණ්ඩුව සමයේදී ගායකයන් කැසට් ගහනවාට වඩා වේගයෙන් ආණ්ඩුව ගැසට් ගහනවා කියලා රටේ ජනතාව ප්‍රකාශ කළා. අවසානයේදී ඒ ගැසට් නිවේදන නැවත හකුලා ගන්නා ආකාරයක් දකින්නත් ලැබුණා. වර්තමාන රජයත් පාලන මිලක් ඇති කරන බව පවසා ගැසට් නිවේදන නිකුත් කරන ආකාරය දකින්න ලැබෙනවා. නමුත් මේ හරහා අවසානයේදී පාලන මිලට භාණ්ඩ ලබා ගැනීමට නොහැකි තත්ත්වයක් ජනතාවට උදාවෙලා තිබෙනවා. කෙසේ නමුත් එයින් වාසියක් අත්වී තිබෙන්නේ මහා පරිමාණ ව්‍යාපාරිකයන්ටයි. පසුගිය දිනවල ජනාධිපතිවරයා වී මෝල් හිමියන් කැඳවලා සාකච්ඡාවට කිහිපයක් පවත්වා තිබුණා. එහිදී ජනාධිපතිවරයා රුපියල් දහයකින් සහල් කිලෝවක් වැඩි කරන්න කටයුතු කළ ආකාරය අපට දැකගන්නට ලැබුණා. සහල් වලට පාලන මිලක් දමා තිබුණ මිලට වඩා වැඩි මිලට සහල් ගැනීමට සිදු වුණා. අවශ්‍ය ප්‍රමාණයට සහල් ගැනීමට නොහැකි වුණ අරුම පුදුම යුගයක් උදාකල රජයක් තමයි වර්තමානයේ බලයේ සිටින්නේ.
රජයේ මිල පාලනය පෝලිම් යුගයේ සලකුණු පෙන්වන අවස්ථාවක් බවට පත් වී තිබෙනවා. ඒ වගේම පසුගිය දිනවල සැමන් සඳහාත් පාලන මිලක් දමා තිබුණාට වඩා වැඩි මිලකට සැමන් මිලදී ගැනීමට ජනතාවට සිදුවී තිබෙනවා. ඒ වගේම රටේ පවතින සහල් අර්බුදය විසඳා ගැනීමට රජයට තවම හැකියාව ලැබිලා නැහැ. ජාතික ජන බලවේගය විපක්ෂය නියෝජනය කරන කාලසීමාවේදී ගෝඨාභය රාජපක්ෂ හිටපු ජනාධිපතිවරයාගේ කෘෂිකර්ම ප්‍රතිපත්තිය පිළිබඳව විවිධ විවේචන එල්ල කළා. ඒ වගේම පිටරටින් සහල් ගෙන ඒමට ඇමැතිවරු සහ රජයක් රටට අවශ්‍ය වන්නේ නැති බව ජාතික ජන බලවේගය විපක්ෂයේ සිටින කාලයේදී ප්‍රකාශ කළා. ඒ කර්තව්‍ය පිටකොටුවේ සහල් ව්‍යාපාරිකයන්ටත් කළ හැකි බව ජාතික ජන බලවේගය ප්‍රකාශ කළා. ඒ වගේම ජාතික ජන බලවේග රජයක් තුළින් සහල් පිටරටින් ගෙන්වන්න කටයුතු කරන්නේ නැහැ කියලා ප්‍රකාශ කළා.
සම්බන්ධිත පුවත් | Related News
ප්‍රධාන පුවත්
අනුරාධපුර බන්ධනාගාර අධිකාරිවරයා අත්අඩංගුවට..
අර්චුනා කියන ආකාරයේ කන්ටේනරයක් තායිලන්තයේ සිට මෙරටට ආවා - ගම්මන්පිල රේගු සටහන් පෙන්වමින් හෙළිකරයි..
මහ බැංකුවේ ඩොලර් සංචිතය අඩු වෙයි…
ජනපති සමාව නොදුන් සිරකරුවෙකු නිදහස් වෙලා... ජනාධිපති කාර්යාලයෙන් විමර්ශනයක්
අනුර - මෝදි හොර ගිවිසුම්වල තොරතුරු ආණ්ඩුව දිගින් දිගටම යට ගසයි - ජේ.ආර් වත් නොකළ දේ අනුර කරයි..
දෙමළ සරණාගත ප්‍රශ්නය ගැන ආණ්ඩුව දක්වන උනන්දුව උපන් රටේ සරණාගතයන් වූ සිංහල මිනිස්සු වෙනුවෙන් දක්වන්නේ නෑ - දේශප්‍රේමී ජාතික පෙරමුණෙන් චෝදනා..
ඉන්දු - ලංකා යටත්වීමේ ගිවිසුම් බලරහිත බව ප්‍රකාශයට පත්කිරීම වෙනුවෙන් ගොනු කරනු ලැබු පෙත්සම පළමු වරට විභාගයට ගැනෙයි..
කන්ටේනර් 323නේ තිබ්බේ ප්‍රභාකරන්ගේ අවි ආයුධ.. - අර්චුනා රටම කැළඹෙන හෙළිදරව්වක (වීඩියෝ)
යාපනය තිස්ස විහාරය සම්බන්ධව සහ උතුරු සහ නැගෙනහිර සිංහල ජනතාවගේ අයිතිවාසිකම් ආරක්ෂා කර ගැනීම ගැන විශේෂ සාකච්චාවක්..
දන්ඩනීති සංග්‍රහයේ 365/365 ඒ වගන්ති සංශෝධනයට මවුවරුන්ගේ පෙරමුණ තදින් විරුද්ධයි - වෛද්‍ය සකුන්තලා සෙනෙවිරත්න (වීඩියෝ)
ළමා අපචාර වළකන වගන්ති දෙක දණ්ඩනීති සංග්‍රහයෙන් ඉවත් කරන්න අදහසක් නැහැ.. - ජාතික සංවිධාන විසින් කළ හෙළිදරව්ව ගැන අධිකරණ ඇමැති කියන කතාව
දණ්ඩනීති සංග්‍රහය සංශෝධනය කිරීම හරහා සිදුකිරීමට යන සමලිංගික සේවනය ප්‍රවර්ධනය කිරීමේ මහා අපරාධය - ජ්‍යෙෂ්ඨ නීතිඥ කල්‍යානන්ද තිරාණගමගෙන් අනාවරණයක් (වීඩියෝ)
රටේ ලක්ෂ 60ක දරුවන් අනතුරේ හෙළමින් ළමා අපචාරකයන්ට ලංකාව පාරාදීසක් බවට පත්කරන ඩොලර්වලින් යැපෙන කුමන්ත්‍රණකරුවන්ගේ ජඩ මෙහෙයුම මෙන්න.. (වීඩියෝ)
ඇමැති බිමල්, ආණ්ඩුවේ විරුද්ධවාදියෙක් වෙයි.. ඇමැති නලින්ද හෙළිකරන කතාව මෙන්න.. (වීඩියෝ)
දරුවන් බිල්ලට දෙන්න සහ සමලිංගික ක්‍රියා ප්‍රචලිත කරන්න නීති සංශෝධන ගෙන ඒමට බලකරන ඩොලර් කාක්කන්ගේ නම් එළියට..
ශ්රී ලංකාවේ මෙතම්ෆෙටමින් නම් මත්ද්‍රව්‍ය භාවිතය ඉහළට : විදේශයන්හි නිපදවන බොහෝ නීති විරෝධී මත්ද්‍රව්‍ය, අරාබි මුහුද හරහා ශ්රී ලංකාවට !