සිරියානු ජනපති අසාද් මොස්කව් වෙත පැමිණියා - රුසියානු මාධ්‍ය

Dec 9, 2024 at 09:05 AM

|

Lanka Leader

සිරියාවේ හිටපු ජනාධිපති බෂාර් අල්-අසාද් රුසියාවේ සරණාගතභාවය ලබා ඇති අතර ඔහුගේ පවුලේ අය සමඟ මොස්කව් වෙත පැමිණ ඇති බව රුසියානු පුවත් ඒජන්සි RIA Novosti සහ TASS ඊයේ(08)  වාර්තා කළේය. 24 වසරක අසාද්ගේ පාලනය  අවසන් කරමින් සිරියානු සටන්කාමීන් දමස්කස්හි පාලනය අත්පත් කර ගැනීමත් සමඟ අසාද් මෙලෙස සිරියාවෙන් පලා ගොස් තිබේ.

සිරියානු අගනුවර සීඝ්‍රයෙන් අල්ලා ගැනීම හයාත් ටරිර් අල්-ෂාම් (HTS) විසින් දියත් කරන ලද මහා පරිමාණ ප්‍රහාරයේ සාර්ථකත්වය සනිටුහන් කරයි. හිටපු අල්-කයිඩා අණ දෙන නිලධාරියෙකු විසින් මෙහෙයවන ලද සහ කලින් ජබාත් අල්-නුස්රා ලෙස හැඳින්වූ මෙම කණ්ඩායම පසුගිය සතියේ උතුරු සිරියාවේ විපක්ෂයේ පාලනයට නතුව තිබූ ඉඩ්ලිබ් පළාතෙන් විස්මිත ප්‍රහාරයක් ආරම්භ කළේය. ජිහාඩ්වාදීන් මීට පෙර දමස්කස් වෙත යාමට පෙර ලෙබනන් දේශසීමාවේ පිහිටි ඇලෙප්පෝ, හමා, හෝම්ස් සහ අල්-කුසේර් යන නගරවලින් සිරියානු හමුදාව පලවා හරිනු ලැබීය.

"අසාද්, ඔහුගේ පවුලේ සාමාජිකයන් සමග මොස්කව් වෙත පැමිණ ඇත. රුසියාව ඔවුන්ට සරණාගතභාවය ලබා දුන්නේ මානුෂීය හේතූන් මතයි." පුවත් මූලාශ්‍රයක් TASS පුවත් සේවය වෙත පවසා තිබේ.

සිරියානු අර්බුදය විසඳීම සඳහා එක්සත් ජාතීන්ගේ නායකත්වයෙන් යුත් සාකච්ඡා නැවත ආරම්භ කරන ලෙස මොස්කව් ඉල්ලා ඇති බවද TASS පුවත් සේවය වාර්තා කර තිබේ. ක්‍රෙම්ලිනයේ නිලධාරීන් උපුටා දක්වන ර්‍ඓඇ පුවත් සේවයට   අනුව, සිරියානු සන්නද්ධ විපක්ෂයේ නායකයින් සිරියාවේ ක්‍රියාත්මක රුසියානු හමුදා කඳවුරු සහ රාජ්‍ය තාන්ත්‍රික දූත මණ්ඩලවල ආරක්ෂාව සහතික කිරීමට ඇත.

Assad in Moscow – Russian media