චීනය අමාරුවේ දැමීම සහ යුක්රේනයට ආධාර කිරීම විවේචනාත්මක් ඇසින්: ට්‍රම්ප්ගේ ඉදිරි පරිපාලනයේ ප්‍රධාන නියමුවන්
(President-elect Donald Trump arrives to speak at meeting of the House GOP conference, November 13, 2024. © AP / Alex Brandon)එක්සත් ජනපද ජනාධිපති ලෙස තේරී පත් වූ ඩොනල්ඩ් ට්‍රම්ප් ඔහුගේ පසුගිය ජනපතිවරණ ජයග්‍රහණයෙන් පසු දෙවන ධුර කාලය සඳහා සූදානම් වෙමින් පවතින මේ මොහොතේ, ඔහු තම ඉදිරි පරිපාලන කටයුතු සඳහා තෝරාගත් ප්‍රධාන පිරිස් ප්‍රකාශයට පත් කිරීමට පටන් ගෙන තිබේ. මේ දක්වා ඔහුගේ ප්‍රධාන තේරීම් කිහිපයක් මෙන්න:
රාජ්‍ය ලේකම්: මාර්කෝ රුබියෝ
සෙනට් සභික මාර්කෝ රුබියෝ රාජ්‍ය දෙපාර්තමේන්තුව හැසිරවීම සුක්කානම භාර ගැනීමට නම් කර ඇත. යුක්රේනයට මිලිටරි ආධාර ලබා දීම සඳහා දායකවූ මුල්කාලීන ආධාරකරුවෙකු වූ රුබියෝ ගේ මෑත කාලීන ප්‍රකාශයන් ගැටුම සාකච්ඡාමය සමථයකට පක්ෂව මාරුවීමක් යෝජනා කරන තත්වයට පත්ව තිබේ. ඔහු චීනයේ ටෙලිකොම් දැවැන්තයා වන Huawei ට එරෙහිව දැඩි ක්‍රියාමාර්ග යෝජනා කරමින් සහ තායිවානයට මිලිටරි ආධාර ලබා දෙමින් චීනය වෙත ට්‍රම්ප්ගේ දැඩි ප්‍රහරාත්මක ප්‍රවේශයට සම්බන්ධ වී තිබේ.
ජාතික ආරක්ෂක උපදේශක: මයික් වෝල්ට්ස්
මයික් වෝල්ට්ස් ජාතික ආරක්ෂක උපදේශක සඳහා හොඳම තේරීම ලෙස තෝරාගෙන ඇත. එක්සත් ජනපද හමුදා විශේෂ බලකායේ ප්‍රවීණයෙකු වන වෝල්ට්ස් මීට පෙර සන්නද්ධ සේවා සහ බුද්ධි අංශ සම්බන්ධ විවිධ කොන්ග්‍රස් කමිටුවල සේවය කර ඇත. යුක්රේනය සම්බන්ධයෙන් වෝල්ට්ස් තර්ක කර ඇත්තේ, කියෙව් සහ මොස්කව් සාකච්ඡා මේසයට ගෙන ඒම සඳහා වොෂින්ටනය තමා සතු හැකියාව භාවිතා කළ යුතු බවයි.
ධවල මන්දිර මාණ්ඩලික ප්‍රධානී: සුසී වයිල්ස්
මාණ්ඩලික ප්‍රධානී තනතුර දැරූ පළමු කාන්තාව වයිල්ස් වනු ඇත. පළපුරුදු දේශපාලන උපායමාර්ගිකයෙකු වන ඇය ට්‍රම්ප්ගේ සාර්ථක නැවත තේරී පත්වීම සඳහා වැඩ කළ අය අතර ප්‍රධාන චරිතයක් ලෙස පුළුල් ලෙස සලකනු ලබන අතර ඔහුගේ ව්‍යාපාරය වඩාත් විනයගරුකව තබා ගැනීමට උපකාර කිරීමේ වගකීමද දරයි.
සීඅයිඒ අධ්‍යක්ෂ: ජෝන් රැට්ක්ලිෆ්
මධ්‍යම බුද්ධි ඒජන්සියේ (CIA) අධ්‍යක්ෂවරයා ලෙස ජෝන් රැට්ක්ලිෆ් නම් කිරීමට ට්‍රම්ප් සිය අභිප්‍රාය ප්‍රකාශ කර තිබේ. රැට්ක්ලිෆ් මීට පෙර ටෙක්සාස් හි හතර වන කොන්ග්‍රස් දිස්ත්‍රික්කයේ නියෝජිතයා ලෙස සේවය කළ අතර ට්‍රම්ප්ගේ පළමු ධූර කාලය තුළ ජාතික බුද්ධි අංශයේ අධ්‍යක්ෂ තනතුර දැරීය. බුද්ධි අංශ සම්බන්ධයෙන් ඔහුගේ වාචික විවේචන සහ 2016 මැතිවරණයේදී සිදු වූ බව කියන රුසියානු මැදිහත්වීම් පිලිබඳ විමර්ශන පිලිබඳව ඔහු කළ විවේචන හේතුවෙන් ප්‍රසිද්ධියට පත් වූ චරිතයකි.
ඔහුගේ පෙර භූමිකාව තුළ, රැට්ක්ලිෆ් විවිධ ජාතික ආරක්ෂක කාරණා සම්බන්ධයෙන් ට්‍රම්ප්ගේ ස්ථාවරයට සහය දැක්වීම සඳහා ප්‍රසිද්ධ වූ අතර බුද්ධි තක්සේරු කිරීම් සම්බන්ධයෙන් දැඩි මතභේදවලට ලක් වීමට ඔහුට විය.
ජාතික බුද්ධි අධ්‍යක්ෂක: තුල්සි ගැබාර්ඩ්
ඩොනල්ඩ් ටෘම්ප් ජනාධිපතිවරයා ජාතික බුද්ධි අංශයේ නව අධ්‍යක්ෂවරයා ලෙස ඔහුගේ ප්‍රධාන තේරීම ලෙස හිටපු කොන්ග්‍රස් සභික තුල්සි ගැබාඩ් තෝරාගෙන ඇත. ගැබාර්ඩ් ඇගේ ස්වාධීන අදහස් සහ ඇමරිකානු විදේශ ප්‍රතිපත්තිය, විශේෂයෙන් මිලිටරි මැදිහත්වීම් සම්බන්ධයෙන් කළ වාචික විවේචන හේතුවෙන් මතභේදවලට ලක් වූ චරිතයකි. ඇය යුක්රේනයට ආධාර කිරීම සම්බන්ධයෙන් දැඩි විවේචන වලට ද ලක්ව තිබේ.
2016 දී ගැබාර්ඩ් ඩිමොක්‍රටික් ජාතික කමිටුවේ උප සභාපති ධුරයෙන් ඉල්ලා අස් වූ අතර වසර හයකට පසු ඩිමොක්‍රටික් පක්ෂයෙන් ඉවත් විය. ඇය 2020 ජනාධිපතිවරණයේදී ඉරාකයේ සහ සිරියාවේ යුද්ධවලට එක්සත් ජනපදය සම්බන්ධ වීමට විරුද්ධ වෙමින් යුද විරෝධී අපේක්ෂකයෙකු ලෙස පෙනී සිටියාය.
නීතිපති: Matt Gaetz
ට්‍රම්ප් විසින් ජනවාරි මාසයේදී ජනාධිපති ධූරයේ වගකීම් භාර ගන්න අවස්ථාවේ සිට ඔහුගේ නීතිපතිවරයා ලෙස Matt Gaetz නම් කර ඇත. ගේට්ස් මීට පෙර යුක්රේනයට එක්සත් ජනපද මිලිටරි ආධාර සැපයීම විවේචනය කළ පුද්ගලයෙකි. ට්‍රම්ප් තම සමාජ මාධ්‍ය්යේ සටහනක් තබමින් අවධාරණය කළේ "අපගේ යුක්ති පද්ධතියේ පක්ෂග්‍රාහී අවිකරණය" ලෙස ඔහු විස්තර කළ දෙයට එරෙහිව සටන් කිරීමේ අවශ්‍යතාවය පෙන්වා දෙමින්, සාපරාධී සංවිධාන විසුරුවා හැරීමට, දේශසීමා ආරක්ෂා කිරීමට සහ අධිකරණ දෙපාර්තමේන්තුව කෙරෙහි මහජන විශ්වාසය යථා තත්ත්වයට පත් කිරීමට Matt Gaetz කටයුතු කරන බවයි. මෙතෙක් තහවුරු නොවුවද, ලිංගික අපරාධ සම්බන්ධයෙන් ට්‍රම්ප්ව විමර්ශනය කළ අධිකරණ දෙපාර්තමේන්තුවද Matt Gaetz අධීක්ෂණය කරනු ඇත. ටෘම්ප්ට විරුද්ධව කළ පරීක්ෂණයේදී ඔහුට එරෙහිව කිසිදු චෝදනාවක් එල්ල කළේ නැත.
රජයේ කාර්යක්ෂමතාව: එලොන් මස්ක් සහ විවේක් රාමස්වාමි
ට්‍රම්ප් විසින් තාක්ෂණික ප්‍රකෝටිපතියෙකු වන එලොන් මස්ක් සහ හිටපු රිපබ්ලිකන් ජනාධිපති අපේක්ෂක විවේක් රාමස්වාමි, ෆෙඩරල් ආණ්ඩුවෙන් පිටත ක්‍රියාත්මක වන ඊනියා රජයේ කාර්යක්ෂමතා දෙපාර්තමේන්තුවක් මෙහෙයවීම පිණිස පත් කළේය. "රතු පටිය" පැනවීම අවම කිරීම, අනවශ්‍ය රෙගුලාසි ඉවත් කිරීම, නාස්තිය අවම කිරීම සහ ෆෙඩරල් ආයතන ප්‍රතිසංවිධානය කිරීම කෙරෙහි මස්ක් සහ රාමස්වාමි අවධානය යොමු කරන බව ට්‍රම්ප් පැවසීය. නව දෙපාර්තමේන්තුව බාහිර විශේෂඥයන් ඇතුළත් කර ධවල මන්දිරය සහ කළමනාකරණ සහ අයවැය කාර්යාලය සමඟ සමීපව සහයෝගයෙන් කටයුතු කරන බව ඔහු අවධාරණය කළේය.
China hawks and Ukraine aid critics: Key nominations for Trump’s upcoming administration
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..