රුසියානු ආරක්ෂක කවුන්සිලයේ ලේකම් ෂොයිගු චීනයේ පැවැත්වෙන ගුවන් සංදර්ශනයේ චීන මහජන හමුදාවේ නියමු කුටියට පැමිණෙයි

Nov 14, 2024 at 08:02 PM

|

Lanka Leader

රුසියානු සමූහාණ්ඩුවේ ආරක්ෂක කවුන්සිලයේ ලේකම් සර්ජි ෂොයිගු අද(14) දකුණු චීනයේ Guangdong පළාතේ Zhuhai හි පැවැත්වෙන "එයාර් ෂෝ චයිනා 2024" නැරඹීමට පැමිණ ඇති බව වාර්තාවේ..

ෂෝයිගු අද උදෑසන ගුවන් සංදර්ශන භූමියේ ස්ථානගත කර ඇති ආයුධ ශාලාවට ගිය අතර එහිදී යුද ටැංකි, සන්නද්ධ වාහන, කාලතුවක්කු, ඩ්‍රෝන සහ සැහැල්ලු අවි ඇතුළු චීනය වැඩි දියුණු කළ යුද උපකරණ ප්‍රදර්ශනය නරඹා ඇති බවද වාර්තා වේ.

පසුව ඔහු ප්‍රදර්ශන භූමියේ පිහිටි අභ්‍යවකාශ ශාලාවට ගිය අතර එහිදී ඔහු චීන මහජන විමුක්ති හමුදාවේ නාවික හමුදා ප්‍රදර්ශන කුටියේදී චීන මහජන විමුක්ති හමුදාවේ (PLA) නාවික හමුදාවේ දියුණුව පිළිබඳව අද්‍යනයක යෙදිනි. 075 වර්ගයේ උභයජීවී ප්‍රහාරක නෞකාව සහ ඨ්ය්පෙ 071 නැව් තටාක ගොඩබෑමේ නෞකාව ඇතුළුව චීනයේ ගුවන් යානා ප්‍රවාහන නෞකා සහ උභයජීවී ප්‍රහාරක බලඇණිය වෙතද ඔහුව කැඳවාගෙන යන ලද්දේය.

ෂෝයිගු චීනයේ Aviation Industry Corporation (AVIC) ප්‍රදර්ශන ශාලාවට ද ගිය අතර එහිදී ඔහු චීනය ස්වාධීනව සංවර්ධනය කරන ලද පස්වන පරම්පරාවේ ප්‍රහාරක ජෙට් යානා වන J-20S සහ J-35A සම්බන්ධයෙන්ද අධ්‍යයනයක යෙදුනි.

ෂෝයිගු වාර්ෂික චීන-රුසියා උපායමාර්ගික ආරක්ෂක උපදේශනවල 19 වැනි වටය සඳහා ශභාගි වන බව චයිනා සෙන්ට්‍රල් ටෙලිවිෂන් (සීසීටීවී) ආයතනය වාර්තා කළේය.

රුසියානු ආරක්ෂක අමාත්‍ය ධුරයෙන් ඉවත්ව රුසියානු සමූහාණ්ඩුවේ ආරක්ෂක මණ්ඩලයේ ලේකම්වරයා ලෙස ෂොයිගු සිය නව භූමිකාව භාර ගැනීමෙන් පසු චීනයේ කරන පළමු සංචාරය මෙය බව චයිනා සෙන්ට්‍රල් ටෙලිවිෂන් (සීසීටීවී) ආයතනය වැඩිදුරටත් පවසයි.

Russian Security Council Secretary Shoigu visits PLA booth, AVIC hall at Airshow China