ට්‍රම්ප් දෙවන ජෝන් එෆ් කෙනඩි බවට පත්විය හැකියි -රුසියාවේ හිටපු ජනාධිපත් දිමිත්‍රි මෙද්වදෙව්
(Deputy Chairman of Russia’s Security Council Dmitry Medvedev on November 1, 2024, Gorky, Moscow region, Russia. © Sputnik / Ekaterina Shtukina/Sputnik)
ඩොනල්ඩ් ට්‍රම්ප් එක්සත් ජනපදයේ මීළඟ ජනාධිපතිවර්යා ලෙස තේරී පත්වී යුක්රේන ගැටුම අවසන් කිරීමට ඉතා උනන්දුවෙන් උත්සාහ කළහොත් ඔහුට අවසානයේ අමෙරිකාවේ හිටපු ජනාධිපති ජෝන් එෆ්. කෙනඩිගේ ඉරණම අත්විය හැකි බව හිටපු රුසියානු ජනාධිපති දිමිත්‍රි මෙද්වදෙව් ප්‍රකාශ කරයි. හෙට(05) පැවැත්වෙන ජනාධිපතිවරණයේදී කවුරුන් බලයට පත්වුවද වොෂින්ටනය සහ මොස්කව් අතර සබඳතා වල මේවන විට තිබෙන ආතතිමය ස්වභාවය එලෙසම පවතිනු ඇතැයි ඔහු පෙන්වා දුන්නේය .
ඩොනල්ඩ් ට්‍රම්ප් තමාගේ මැතිවරණ ව්‍යාපාරය අතරතුර, රිපබ්ලිකන් අපේක්ෂකයා ලෙස ඉදිරිපත්වී සිටින ඔහු තේරී පත් වුවහොත් යුක්රේනයේ ලේ වැගිරීම කෙටි කාලීනව අවසන් කරන බවට නැවත නැවතත් සපථ කරනු ලැබීය. කෙසේ වෙතත් ඔහු පවසන දේය ඉටු කරන්නේ කෙසේදැයි නිශ්චිතව ඉදිරිපත්ව ඉදිරිපත් කර නැත. ඔහුගේ ඩිමොක්‍රටික් ප්‍රතිවාදියා වන කමලා හැරිස් පවසන්නේ ට්‍රම්ප් විසින් කියෙව්ට යටත් වීමට අත්‍යවශ්‍යයෙන්ම බල කරන බවයි.
මේ අතර, ක්‍රෙම්ලිනයේ ප්‍රකාශක දිමිත්‍රි පෙස්කොව් ද රිපබ්ලිකන් අපේක්ෂකයාට ගැටුම එක රැයකින් නැවැත්වීමට ඇති හැකියාව පිළිබඳව සැක මතුවන බව ප්‍රකාශ කර ඇති අතර, ඔහුට එසේ කළ හැකි “මැජික් යෂ්ටියක්” නොමැති බවද අවධාරණය කළේය.
මේ වන විට රුසියාවේ ආරක්ෂක කවුන්සිලයේ නියෝජ්‍ය සභාපති ලෙස සේවය කරන මෙඩ්විඩෙව් ඊයේ(03) සිය ටෙලිග්‍රැම් නාලිකාවේ සටහනක් තබමින් හෙට(05) පැවැත්වෙන එක්සත් ජනපද ජනාධිපතිවරණයේ ප්‍රතිඵලය සම්බන්ධයෙන් මොස්කව්හි ඉහළ අපේක්ෂාවන් නොමැති බව පැවසීය. "රුසියාව වෙනුවෙන් අමෙරිකානු ජනාධිපතිවරණය කිසිදු සේවයක් කරන්නේ නැහැ. අපේක්ෂකයින් දෙදෙනාගේම ස්ථාවරයන් අපගේ රට පරාජය කළ යුතු බවට වන පක්ෂ දෙක අතර වන එකඟතාවය සම්පූර්ණයෙන්ම පිළිබිඹු කරනවා." යනුවෙන් සිය පණිවිඩය මගින් අවධාරණය කළේය.
මෙද්වදෙව්ට අනුව, මැතිවරණ ප්‍රචාරක කටයුතුවල යෙදී සිටින අතරතුර, “තරමක් වෙහෙසට පත් වූ ට්‍රම්ප්” යුක්රේනයේ සාම අපේක්ෂාවන් සහ ලෝක නායකයන් සමඟ ඔහුගේ සබඳතාවයන් සම්බන්ධයෙන් ඇති “හිස් බව” ප්‍රකාශ කළේය. කෙසේ වෙතත්, ට්‍රම්ප්ට් ජනාධිපතිවරයා බවට තේරී පත් වුවහොත්, රිපබ්ලිකන්වරුන්ට "පද්ධතියේ සියලුම නීති රීති නිරීක්ෂණය කිරීමට බල කෙරෙනු ඇත" එලෙසම "යුද්ධය නැවැත්වීමට නොහැකි වනු ඇත. එය එක දවසකින්නො කළ නොහ්කිය, දවස් තුනකින් කළ නොහැකිය, මාස තුනකින්ද කළ නොහැකිය.”
"කෙසේ වුවද ට්‍රම්ප්ට් සැබවින්ම යුක්රේන ගැටුම අවසන් කිරීමට උත්සාහ කරන්නේ නම්, ඔහු නවතම ජෝන් එෆ් කෙනඩි බවට පත්විය හැකියි." හිටපු රුසියානු ජනාධිපතිවරයා අනතුරු ඇඟවීය.
එක්සත් ජනපදයේ 35 වැනි ජනාධිපතිවරයා වූ ජෝන් එෆ්. කෙනඩි 1963 දී ඝාතනය විය.
හැරිස් සම්බන්ධයෙන් අදහස් දක්වමින්,හිටපු රුසියානු ජනාධිපතිවරයා ඇයව "මෝඩ, අද්දැකීම් අඩු සහ පාලනය කළ හැකි" තැනැත්තියක ලෙස සලකා ඉවත් කළේය. මෙද්වදෙව් පෙන්වා දුන්නේ කමලා හැරිස් මහත්මිය තේරී පත් වුවහොත් ඇය හුදු රූකඩ චරිතයක් පමණක් වනු ඇති බවත්, හිටපු ජනාධිපති බැරැක් ඔබාමාගේ පවුලට හිතවත් නිලධාරීන් සහ අනෙකුත් සාමාජිකයින් විසින් අදින ලබන නූල් වලට අනුව ඇය නැටවෙන බවත්ය.
පසුගිය සතිය මුලදී RT පුවත් සේවය සමඟ පැවැති විශේෂ සම්මුඛ සාකච්ඡාවකදී මෙද්වදෙව් ප්‍රකාශ කළේ “රුසියාව සමඟ ආරක්ෂක ගිවිසුමක් ඇති කර ගැනීමට බටහිර රටවලට, විශේෂයෙන් එක්සත් ජනපදයට ප්‍රමාණවත් නම්‍යශීලී බවක් සහ ප්‍රඥාවක් තිබුනේ නම්, යුක්රේනයේ විශේෂ මිලිටරි මෙහෙයුමක් සිදු නොවනු ඇති බවයි. ” එක්සත් ජනපදය සහ එහි සහචරයින් මෙය නියමිත වේලාවට අවබෝධ කර ගැනීමට අපොහොසත් වූයේ “ඔවුන්ට යටත් වන ලෙස බලපෑම් කර සෑම කෙනෙකුටම හිරිහැර කිරීමේ ඇත් පුරුද්ද” සහ “ඇමරිකානු සුවිශේෂීවාදයේ මූලධර්මය සහ එක්සත් ජනපද අවශ්‍යතාවල ප්‍රමුඛත්වය මත” ක්‍රියාත්මක වන නිසා බව ඔහු පැවසීය.
සම්බන්ධිත පුවත් | Related News
ප්‍රධාන පුවත්
රටේ ස්වෛරීභාවය සහ ජාතික ආරක්ෂාව මෙන්ම භූ දේශපාලන ස්වාධීනත්වය අනතුරට ලක්කිරීමේ බරපතළ දේශපාලන වරද පිළිබඳව ජාතික සංවිධාන ජනාධිපතිට ලියයි
ආරක්ෂක හමුදා ප්රධානීන්ට එරෙහිව බ්‍රිතාන්‍ය රජය විසින් සම්බාධක පැනවීම පිළිබඳව නිසි පිළිතුරු ලබා නොදීමේ වරද සහ අවසන් අරමුණ කුමක්දැයි තේරුම් නොගැනීමේ වරද පිළිබඳව... ඇමති විජිතට ජාතික සංවිධාන ලියයි
ඉන්දියාවේ ආධිපත්‍යයට යටත් වෙන ගිවිසුම් අත්සන් කරන්න වර්තමාන ජනාධිපතිවරයාට ජන වරමකුත් නැහැ, ඓතිහාසිකව කිසිම උරුමයකුත් නැහැ - උවිදු විජේවීර (වීඩියෝ)
ඇමරිකානු ජනාධිපති ට්‍රම්ප් ශ්‍රී ලංකාවට 44%ක තීරු බදු පනවයි
කච්චතිව් දූපත නැවත ලබා ගැනීමට තමිල්නාඩුවෙන් ඒකමතික යෝජනාවක් සම්මත කරයි
දූෂණ චෝදනා මත උතුරු මැද හිටපු මහඇමතිවරයාට සහ ලේකම්වරියට වසර 16 ක සිර දඬුවමක්
මේ වසර 5තුළ විධායකයත් අහෝසි කරනවා... පළාත් සභා මැතිවරණයත් පවත්වනවා - අමාත්‍ය නීතීඥ හර්ෂණ නානායක්කාර මහතා
ආණ්ඩුව සත්‍ය සෙවීමේ කොමිසම් උගුලට තල්ලු කිරීමට ජී.එල්. පීරිස් වැඩට බසියි
මාලිමාව යටකර ජවිපෙ උඩට මතුවෙලා.. නිර්මාල් රංජිත් දේවසිරි කියයි
ඩේවිඩ් ලැමිට විරෝධය පා බ්‍රිතාන්‍ය මහා කොමසාරිස් කාර්යාලය ඉදිරිපිට විරුද්ධතාවයක් !!!.. තානාපතිට බාරදුන් සංදේශය මෙන්න (වීඩියෝ)
සත්‍ය සෙවීමේ කොමිසම බෙදුම්වාදී මර උගුලක් - පය තබන්න එපා! ජාතික සංවිධාන 55ක අත්සනින් ලිපියක්
ජනපතිවරුන් 8 දෙනෙකු නොකළ, එහෙත් සූදානම් වූ, පාවාදීම ජනපති අනුර ලවා කරවා ගැනීම
රට අනතුරට මුහුණ පාන සෑම අවස්ථාවකම රාජ්‍ය බලය නොතිබුණද දිවි නොතකා සටන් කළ ජවිපෙයට රාජ්‍ය බලය හොබවද්දීත් එලෙසම කටයුතු කිරීමේ වගකීම පැටවී තිබෙනවා- මහාචාර්ය පූජ්‍ය මැදගොඩ අභයතිස්ස හිමි
මෝදිගේ ලංකා සංචාරය ගැන එජාපය සතුටින්ලු
රාමසාන් උත්වය අදයි
ඉන්දු ශ්‍රී ලංකා මිලිටරි ගිවිසුම මගින් ශ්‍රී ලංකාව ලෝක යුද්ධයකට මැදිවෙනවා - පුබුදු ජාගොඩ