ඉලංගෙයි තමිල් අරසු පක්ෂයේ පාර්ලිමේන්තු මන්ත්‍රී කණ්ඩායම මෙහෙයවීමේ වගකීම මඩකලපුව දිස්ත්‍රික්කය නියෝජනය කරන ෂානක්කියන් රාසමාණික්කම් මන්ත්‍රීවරයා වෙත පවරා තිබේ.

ශ්‍රී ලංකාව නිදහස ලබා වසර 78ක් ගතවී ඇතත්, එදා අප දුටු සැබෑ නිදහස පිළිබඳ සිහිනය සම්පූර්ණ කර ගැනීමට මෙතෙක් අප අසමත්ව සිටින බව අගරදගුරු මැල්කම් රංජිත් කාදිනල් හිමිපාණෝ පවසති. නිදහස් දින සැමරුම් දේවමෙහෙයකට එක්වෙමින් උන්වහන්සේ මේ බව අවධාරණය කළහ.

යුද්ධයේදී රණවිරුවන් 29000ක් දිවිපිදූ බවත්, 14000ක් අබාධිත තත්ත්වයට පත්වූ බවත්, මෙවර නිදහස් උළෙලේදී එම විජයග්‍රහණයට දායක වූ සන්නද්ධ රථ, මල්ටිබැරල්, රොකට් ලෝන්චස් කිසිවක් ප්‍රදර්ශනය නොකළ බවත් හිටපු පාර්ලිමේන්තු මන්ත්‍රී සරත් වීරසේකර මහතා පවසයි.

ශ්‍රී ලංකාවේ 78 වන නිදහස් දිනයට සමගාමීව, එය තමන්ට 'කළු දිනයක්' බව පවසමින් දෙමළ ජනතාවගේ ස්වයං නිර්ණ අයිතිය සහ අතුරුදහන් වූවන්ට යුක්තිය ඉල්ලා කිලිනොච්චිය නගරයේදී අද (04) විරෝධතා පාගමනක් සහ උද්ඝෝෂණයක් පැවැත්විණි.

අරගලයේ දී පාර්ලිමේන්තුවට පහරදීමට පැමිණෙන්නැයි පවසද්දී ගෝල්ෆේස් අරගලකරුවන් එයට සහභාගිවීමට නොගිය බවත්, බංග්ලාදේශයේ සිදුවූ විනාශය වැනි විනාශයක් ලංකාව තුළ සිදු නොවූ බවත් මහාචාර්ය රොහාන් සමරජීව මහතා පවසයි.

ලාංකීය පුරවැසියන් කිසිදු දිනෙක උපන් බිමේ සැබෑ හිදහස අත්විඳ නොමැති බවත්, අතීතයේ සිටම 'මවුබිම වෙනුවෙන් තම ජිවිත පුදදුන් විරුවන් බිහි වූ දේශයක "අධිරාජ්‍යවාදී ඊනියා නිදහසේ" හෝ උරුමකරුවන් බවට මහජනතාව පත් කිරීමට පාලකයන් විසින් කිසිදු විටෙක ක්‍රියා කර නොමැති බවත් දෙවන පරපුර පක්ෂය පවසයි.

හිටපු ලිබියානු පාලක කර්නල් මුවම්මර් ගඩාෆිගේ පුත්‍රයෙකු වන සයිෆ් අල්-ඉස්ලාම් ගඩාෆි වෙඩි තබා ඝාතනය කර ඇති බව විදෙස් මාධ්‍ය වාර්තා කරයි.

අධ්‍යාපන ක්ෂේත්‍රයේ විශාලතම පරිවර්තනීය යුගයක් ආරම්භ යුතු බවත්, එයට තමා සුදානම් බවත් ජනාධිපති අනුර කුමාර දිසානායක මහතා පවසයි.

කථානායකවරයාගේ නිල කාර්යාලය භාවිතා කළ යුත්තේ රජයේ නිල කටයුතු සඳහා පමණක් බව පාර්ලිමේන්තු මන්ත්‍රී චාමර සම්පත් දසනායක මහතා අද (03) පාර්ලිමේන්තුවේදී පැවසීය.